Մոսկվայում ընդլայնել են կորոնավիրուսի դեմ պատվաստումների կատերգորիաների ցանկը
Ռուսաստանի մայրաքաղաք Մոսկվայում նոր կորոնավիրուսային վարակի դեմ պատվաստումների գրանցումն սկսվում է երկուշաբթի օրվանից` բանկային և ֆինանսական ոլորտի աշխատակիցների, ինչպես նաև դաշնային, տարածաշրջանային և քաղաքային մակարդակների պետական մարմինների և բյուջետային հաստատությունների աշխատակիցների համար: Այս մասին իր բլոգում հայտարարել է Մոսկվայի քաղաքապետ Սերգեյ Սոբյանինը, տեղեկացնում է ՏԱՍՍ-ը:
Նա հավելել է, որ պատվատումների կետերն աշխատում են ամենօրյա ռեժիմով՝ առանց հանգստյան օրերի:
Հիշեցնենք՝ Մոսկվայի իշխանությունները մոտ ապագայում նախատեսում են 6-7 միլիոն մարդու պատվաստել կորոնավիրուսի դեմ: Քաղաքապետի խոսքով՝ պատվաստում ստանալուց հետո մայրաքաղաքի բնակիչները հնարավորություն կունենան վերադառնալ «առանց սահմանափակումների կյանքի»:
Ինչպես ավելի վաղ տեղեկացրել էր Tert.am-ը՝ դեկտեմբերի 16-ին «Ռոսպոտրեբնադզոր»-ի ղեկավար Աննա Պոպովան հայտարարել էր, որ ռուս գիտնականները աշխատում են կորոնավիրուսի դեմ պատվաստանյութի 26 տարբերակների ստեղծման վրա:
Sputnik V-ն, որը մշակվել է Գամալեյայի կենտրոնի մասնագետների կողմից, դարձել է կորոնավիրուսի դեմ առաջին պատվաստանյութն աշխարհում և Ռուսաստանում: Այն գրանցվել էր օգոստոսի 11-ին:










