Արմեն Սարգսյանը շնորհավորել է Մեծ Բրիտանիայի նորընտիր վարչապետ Լիզ Թրասսին

14:35 • 06.09.22

Հանրապետության չորրորդ նախագահ Արմեն Սարգսյանը շնորհավորել է Մեծ Բրիտանիայի նորընտիր վարչապետ Լիզ Թրասսին:
 
«Ջերմ շնորհավորանքներս եմ հղում Ձեզ Մեծ Բրիտանիայի վարչապետի պաշտոնում ընտրվելու առթիվ:

Մաղթում եմ Ձեզ առողջություն և հաջողություն ներկայիս բարդ ու մարտահրավերներով լեցուն ժամանակներում՝ կլիմայի փոփոխությունից մինչև աշխարհաքաղաքական փոխհարաբերություններ:

Լավագույն հիշողություններ եմ պահպանում Գլազգոյում անցկացված ՄԱԿ-ի՝ Կլիմայի փոփոխության մասին շրջանակային կոնվենցիայի կողմերի 26-րդ համաժողովի (COP26) շրջանակում մեր զրույցից»,- մասնավորապես նշվում է Արմեն Սարգսյանի ուղերձում: