Եթե Ռուսաստանը հատուկ ռազմական գործողությունից անցնի պատերազմի, Ուկրաինայի վերջը շատ արագ կգա. ՌԴ դեսպան

13:24 • 16.09.22

Շվեդիայում Ռուսաստանի դեսպան Վիկտոր Տատարինցևը շվեդ լրագրողներին տված հարցազրույցում ասել է, որ Կիևի վերջը կգա, եթե Մոսկվան հատուկ ռազմական գործողությունից անցնի պատերազմի։

Ինչպես գրում է ՏԱՍՍ-ը, նրա խոսքերը մեջբերում է Expressen թերթը։

«Ռուսաստանի կողմից սա հատուկ գործողություն է, ոչ թե պատերազմ, եթե Ռուսաստանի Դաշնությունը իրական պատերազմ սկսի, ապա Ուկրաինայի վերջը շատ արագ կգա», - ասել է դիվանագիտական առաքելության ղեկավարը։

Նա նաև մեկնաբանել է իրավիճակը պատերազմական գոտում:

«Մենք հաղթում ենք, հենց այդպես էլ գրեք»,- ասել է Տատարինցևը լրագրողներին:

Դեսպանի խոսքով՝ արևմտյան երկրները չպետք է մոռանան, որ անհնար է Ռուսաստանին մեկուսացնել մնացած աշխարհից։