ՀՀ ԱԺ նախագահն աշխատանքային այցով մեկնել է Վայոց ձորի մարզ

16:49 • 07.08.24

ՀՀ ԱԺ նախագահ Ալեն Սիմոնյանն աշխատանքային այցով գտնվում է Վայոց ձորի մարզում: Այդ մասին Tert.am-ը տեղեկացավ նրա ֆեյսբուքյան էջից:

«Ջերմուկում ծանոթացա հայ-ադրբեջանական սահմանին տիրող իրավիճակին, տեղի անվտանգային մարտահրավերներին և մեր հայրենակիցներին հուզող խնդիրներին»,-Ֆեյսբուքի իր էջում գրել է ԱԺ նախագահը: Մինչ այդ, մեկ այլ գրառմամբ, Ալեն Սիմոնյանը տեղեկացրել էր, որ աշխատանքային այցը մեկնարկել է Նորավանքի վանական համալիրից: