Եռակողմ ձևաչափը կառուցողական է․ մանրամասն քննարկել ենք Ուկրաինայի անվտանգության երաշխիքների բովանդակությունը․ Զելենսկի

Մեր բանակցային թիմը զեկուցել է Աբու Դաբիի բանակցությունների վերաբերյալ։ Այսօր Աբու Դաբիում հանդիպումների առաջին օրն է. նախ՝ զրույց եվրոպացի և ամերիկացի գործընկերների հետ, որին հաջորդել է եռակողմ հանդիպում մեր, ամերիկյան և ռուսական պատվիրակությունների մասնակցությամբ։ Ես շնորհակալ եմ Ուկրաինայի բոլոր գործընկերներին իրենց աջակցության համար։ Այս մասին հայտնել է Ուկրաինայի նախագահ Վլադիմիր Զելենսկին։

«Եռակողմ ձևաչափը կառուցողական և բավականին տեղեկատվական էր։ Մենք քննարկեցինք մարդասիրական քայլերի անհրաժեշտությունը և հնարավոր պարամետրերը։ Ռազմագերիների ազատ արձակումը առաջնահերթություն է։

Մենք մանրամասն քննարկեցինք Ուկրաինայի անվտանգության երաշխիքների բովանդակությունը և դրանց երկարաժամկետ իրականացման հիմքերը։ Մեզ անհրաժեշտ են իրական գործիքներ՝ պատերազմի կրկնությունը կանխելու համար։ Քննարկվեց նաև լարվածության թուլացման քայլերի անհրաժեշտությունը։

Ես մեր թիմի համար հստակ նպատակներ եմ սահմանել հետագա երկխոսության համար՝ ինչպես վաղը եռակողմ ձևաչափով, այնպես էլ ընդհանուր առմամբ՝ առաջիկա օրերին՝ ԱՄՆ նախագահի և եվրոպական ներկայացուցիչների հետ։

Գլխավորը խաղաղությունն իսկապես մոտեցնելն է։ Ուկրաինան կզբաղվի միայն արդյունավետ, բարձրորակ և ազնիվ աշխատանքով։

Շնորհակալություն եմ հայտնում ամերիկյան կողմին՝ այս բանակցությունները կազմակերպելու համար, իսկ Արաբական Միացյալ Էմիրություններին՝ հուսալի բանակցային հարթակ տրամադրելու համար»,-գրել է նա։