Ինդոնեզիայի Ճավա ծովում հայտնաբերվել է AirAsia-ին պատկանող վթարված օդանավի պոչը
Ինդոնեզիայի Ճավա ծովում փրկարարները հայտնաբերել են AirAsia ավիաընկերությանը պատկանող վթարված օդանավի պոչը, որտեղ ենթադրվում է, գտնվում է օդանավի սև արկղը, գրում է Interfax-ը՝ The Wall Street Journal-ին հղումով։
Այս մասին Ջակարտայում հայտարարել է Իդոնեզիայի ազգային որոնողափրկարարական գործակալության ղեկավար Բամբանգ Սոելիստյուն։
Նրա խոսքերով՝ ներկա պահին ջրասուզակները նախապատրաստվում են գտնված բեկորների զննմանը։
Դրա հետ մեկտեղ Սոելիստյուն հրաժարվել է պատասխանել հարցին՝ արդյոք փրկարարներին հաջողվել է որսալ սև արկղից եկող ազդանշանները։
Հիշեցնենք, որ AirAsia ավիաընկերությանը պատկանող A-320-200 օդանավը, որը ուղևորվում էր Սուրաբայայից դեպի Սինգապուր, անհետացել էր ռադարների տեսադաշտից դեկտեմբերի 28-ին, իսկ երկու օր անց Ինդոնեզիայի Բորնեո կղզու ափերին օդանավի բեկորներ էին հայտնաբերվել։










