Փարիզում անհայտ անձինք կրակ են բացել Charlie Hebdo թերթի գրասենյակում. կա 12 զոհ (տարբերակ 5, լուսանկարներ)

16:56 • 07.01.15

20.51 Ֆրանսիայի ներքին գործերի նախարարությունը հստակեցրել է Փարիզում տեղի ունեցած ահաբեկչական գործողության մասնակիցները թիվը:


Ինչպես հաղորդում է Газета.Ru-ն` France-Presse գործակալությանը հղումով, նախարար Բեռնար Կազնովը հայտնել է, որ Charlie Hebdo-ի խմբագրության վրա հարձակումն իրականացրել է 3 ահաբեկիչ:

Ոստիկանության բացած կրակից հետո հանցագործները թաքնվել են:


18.33  Միջազգային հանրությունը քննադատել է Փարիզում Charlie Hebdo թերթի գրասենյակի վրա կատարված հարձակումը:

 

ԶԼՄ-ների ազատության հարցերով ԵԱՀԿ ներկայացուցիչ Դունյա Միյատովիչը Charlie Hebdo ֆրանսիական պարբերականի խմբագրությունում իրականացված հարձակումն անվանել է հարձակում խոսքի ազատության վրա:

 

Հաղորդվում է, որ ՆԱՏՕ-ի գլխավոր քարտուղար Ենս Սթոլթենբերգը Charlie Hebdo թերթի փարիզյան գրասենյակի վրա հարձակումն անվանել է հարձակում մամուլի ազատության վրա:



Երգիծական պարբերականի խմբագրությունում իրականացված հարձակումը դատապարտել է նաև Նյու Յորքում գործող «Լրագրողների պաշտպանության կոմիտե» ոչ կառավարական կազմակերպությունը:

 

Հարձակումը քննադատել են նաև Սպիտակ տունը, ՌԴ նախագահ Վլադիմիր Պուտինը, Գերմանիայի կանցլեր Անգելա Մերկելը, այլք:


17.58 Ֆրանսիական թերթի գրասենյակի վրա հարձակումը կատարվել է ԻՊ-ի ղեկավարի ծաղրանկարի հրապարակումից անմիջապես հետո. Charlie Hebdo ֆրանսիական երգիծական պարբերականի թվիթերյան էջում կատարած վերջին գրառումն «Իսլամական պետություն» ահաբեկչական խմբավորման ղեկավարներից մեկի` Աբու Բաքր ալ-Բաղդադիի ծաղրանկարն է եղել: 


17.31 Փարիզի ոստիկանությունը հայտնաբերել է Charlie Hebdo երգիծական պարբերականի գրասենյակի վրա հարձակում գործածների ավտոմեքենան, իրենք չարագործները թաքնվել են: Газета.Ru-ի փոխանցմամբ` այս մասին հայտնում է Le Parisien-ը:

 

L'Obs-ի փոխանցմամբ` համացանցում լուսանկար է հայտնվել, որում պատկերված են հարձակման կադրերը: Ոստիկանությունը փնտրում է կրակ բացած և անհետացած չարագործներին:


Անհայտ անձինք կրակ են բացել ֆրանսիական Charlie Hebdo երգիծական պարբերականի փարիզյան գրասենյակում, ինչի հետևանքով 12 մարդ է զոհվել: Газета.Ru-ի փոխանցմամբ` այս մասին հաղորդում է Le Parisien ֆրանսիական պարբերականը:

 

Բացի այդ, ականատեսների համաձայն, կրակահերթի ընթացքում ևս 5 մարդ է վիրավորվել:

 

«Կալաշնիկով հրացաններով զինված երկու տղամարդ ներխուժել են Charlie Hebdo-ի գրասենյակ, որը տեղակայված է Փարիզի 11-րդ շրջանում», - ասել է ականատեսներից մեկը:

 

Charlie Hebdo պարբերականի գրասենյակ է այցելել Ֆրանսիայի նախագահ Ֆրանսուա Օլանդը: Ավելի ուշ հաղորդվել  է, որ կրակահերթի հետևանքով զոհվածները թերթի աշխատակիցներ են եղել:
 

'Massacre': The gunmen are seen brandishing Kalashnikovs as they move in on the injured police officer from their vehicle outside the office


Emergency: Police officers and firefighters gather in front of the offices of  Charlie Hebdo in Paris today after gunmen stormed the building

Critical: Firefighters carry an injured man on a stretcher in front of the offices of French satirical paper Charlie Hebdo after the shooting