Հալեպի բնակելի թաղամասերը դարձյալ հրթիռակոծվել են. կան զոհեր և վիրավորներ

Հալեպի բնակելի շրջանների հրթիռակոծումն ահաբեկչական խմբավորումների կողմից շարունակվել է նաև երեկ։

Ինչպես տեղեկացնում է Հալեպի «Գանձասար» շաբաթաթերթի ֆեյսբուքյան էջը, քաղաքի Ճեմիլիե, Բաբ ալ Ֆարաջ, Աազամիե, Մուհաֆազա, Ազիզիե, Մաշարքա, Սուլեյմանիե շրջաններում, ինչպես նաև պետհամալսարանի մոտակայքում հրթիռներ են ընկել։

Արձանագրվել են զոհեր և վիրավորներ։

Սիրիական ՍԱՆԱ պետական գործակալության հաղորդմամբ՝ Բոսթան Փաշա և Բոսթան Քասր շրջաններում տեղակայված դիպուկահարները կրակել են Սուլեյմանիեի և Մաշարքայի հրապարակներում անցորդների  վրա։