Էրդողանը Հիտլերի պես հոգեկան խանգարումներ ունի. Politics First

Բրիտանական Politics First հայտնի պարբերականի գլխավոր խմբագիր Մարկուս Պապադուպոլոսը Թուրքիայի նախագահ Ռեջեփ Թայիփ Էրդողանին նմանեցրել է Հիտլերին և հայտարարել, որ վերջինիս հոգեկանը խանգարված է:

«Կրակի հետ խաղացողն այրվում է: Թուրքիան Սիրիայում ոչ միայն խաղում է կրակի հետ, այլև այդ երկրում գործող մի շարք ահաբեկչական խմբավորումներին աջակցելով թույլ տվեց, որպեսզի վառվի դժոխքի կրակը», - գրել է Պապադուպոլոսն ու շեշտել, որ Թուրքիայի տարածքում բազմաթիվ ահաբեկչական հարձակումների իրականացումը պատահական չէ:

«Պատմության մեջ եղել են այդպիսի մարդիկ: Օրինակ` Ադոլֆ Հիտլերը: Նա էլ հոգեկան խանգարում ուներ: Իհարկե, ես չեմ ասում, որ Էրդողանը Հիտլերի նույն ուժն ունի, սակայն Թուրքիան դարձավ սիրիական ճգնաժամի լարման պատճառ և դա արդեն իր արտացոլումն է գտնում Թուրքիայի տարբեր տարածքներում», - գրում է  Politics First-ի խմբագիրը:

Հիշեցնենք, որ թուրքական հատուկ նշանակության ուժերը 2016թ. օգոստոսի 24-ի առավոտյան մտել են Սիրիայի տարածք՝ իրենց իսկ խոսքով՝ «Իսլամական պետություն» խմբավորման գրոհայիններից հյուսիսային Ջերաբլուս քաղաքի ազատագրման գործողության շրջանակում: Թուրքական ԶՈւ-ին աջակցում են նաև «Սիրիական ազատ բանակ» ընդդիմադիր խմբավորումն ու կոալիցիոն ուժերը՝ օդային հարվածների միջոցով: Թուրքական ԶՈՒ-ն պայքարում է նաև Սիրիայի հյուսիսում գործող քրդական ազգային խմբավորումների դեմ։