Նախագահ Սերժ Սարգսյանը թեթև մրսածություն է ունեցել և գտնվել տանը. Վլադիմիր Հակոբյան

ՀՀ Նախագահի մամուլի քարտուղար Վլադիմիր Հակոբյանը հերքում է տեղեկությունը, թե Ամանորին վատացել է ՀՀ Նախագահ Սերժ Սարգսյանի ինքնազգացողությունը և նա տեղափոխվել է «Նաիրի» բժշկական կենտրոն:

«Տեղեկությունը չի համապատասխանում իրականությանը։ Նախագահի մոտ եղել է թեթև մրսածություն, և այս ընթացքում գտնվել է տանը»,- Tert.am-ին հայտնեց ՀՀ Նախագահի մամուլի քարտուղարը:

Նշենք, որ «Ժամանակ» օրաթերթը, անդրադառնալով հունվարի 5-ի Սուրբ Զատկի Ճրագալույցի պատարագին և հունվարի 6-ին Էջմիածնի Մայր տաճարում տեղի ունեցած Սուրբ Ծննդյան և Աստվածահայտնության պատարագին ՀՀ Նախագահ Սերժ Սարգսյանի բացակայությանը, գրել էր, թե Նախագահն այդ արարողություններին չի մասնակցել, քանի որ ինքնազգացողության վատացման պատճառով հոսպիտալացվել է։