Եղանակն՝ այսօրԱյսօր ձախլիկների միջազգային օրն է
Օգոստոսի 13-ին նշվում է Ձախլիկների միջազգային օրը: Ըստ վիճակագրական տվյալների՝ աշխարհի բնակչության մոտ 10%-ը ձախլիկներ են։ Ի դեպ, ձախլիկությունը տղամարդկանց մոտ ավելի հաճախ է հանդիպում, քան կանանց: Աջլիկներ և ձախլիկներ կան նաև կենդանիների մեջ:
Օրվա նշման նպատակն է գրավել միջազգային հանրության ուշադրությունը ձախլիկների խնդիրների վրա, մասնավորապես՝ արդյունաբերական սարքավորումների արտադրողներին իրազեկել ձախլիկների առջև կանգնած դժվարությունների մասին:
Օրինակ՝ աջլիկ մեծամասնության համար նախագծված և արտադրված սարքավորումներից օգտվելիս ձախլիկները ստիպված են կատարել իրենց համար անբնական շարժումներ, ինչի հետևանքով ակամա ենթարկվում են չափազանց նյարդային և մկանային սթրեսի։
Ձախլիկների միջազգային օրը նշելու շնորհիվ տարբեր երկրներում արդեն ստեղծվել են ընկերություններ, որոնք զբաղվում են հատուկ ձախլիկների համար նախատեսված իրերի և սարքերի արտադրությամբ:
Studio One