Նիագարայից մինչև Արգենտինա. աշխարհի տարբեր անկյուններում Հայաստանը՝ եռագույնով

Հայաստանի Հանրապետության անկախության 35-րդ տարեդարձի առթիվ աշխարհի տարբեր անկյուններում մի շարք հայտնի վայրեր ու հարթակներ լուսավորվել են Հայաստանի դրոշի գույներով:

Կանադայում գտնվող Նիագարայի ջրվեժը սեպտեմբերի 21-ին՝ ժամը 22:00-ին, կլուսավորվի Հայաստանի դրոշի գույներով։ 

Հայաստանի անկախության օրվա առթիվ հայկական եռագույնով կլուսավորվի նաև Օտտավայի Sign-ը, որը կարմիր, կապույտ և ծիրանագույնով կշողա ամբողջ օրվա ընթացքում։ Նույն օրը Հայաստանի դրոշը կբարձրացվի նաև Օտտավայի քաղաքապետարանի դիմաց։

Հայկական եռագույնով կլուսավորվի նաև Վարշավայի Սիլեզիա–Դոմբրովա կամուրջը։ Այն սեպտեմբերի 21-ին կլուսավորվի Հայաստանի դրոշի գույներով՝ սկսած 19:00-ից։

Հայաստանի Անկախության օրվան միացել է նաև Բուենոս Այրեսը․ Արգենտինայի մայրաքաղաքի մի շարք տեսարժան վայրեր լուսավորվել են Հայաստանի Հանրապետության դրոշի գույներով։ Այդ մասին հայտնել է Արգենտինայում ՀՀ դեսպանությունը՝ հրապարակելով նաև լուսանկարներ։ 

Իսկ հայկական եռագույնն այսօր հայտնվել է նաև աշխարհի ամենահայտնի թվային հարթակներից մեկում։ Google-ը Հայաստանի Հանրապետության Անկախության օրվա առիթով իր գլխավոր էջը զարդարել է ծածանվող հայկական եռագույնով։ Google-ի գլխավոր էջում դրոշը պատկերված է երկնագույն երկնքի ֆոնին։ 

Այսպիսով, Հայաստանի անկախության 35-րդ տարեդարձին հայկական եռագույնը տեսանելի է աշխարհի տարբեր անկյուններում՝ Նիագարայի ջրվեժից ու Վարշավայի կամրջից մինչև Բուենոս Այրես և Google-ի գլխավոր էջ։