Երբ գեղեցկությունը զոհեր չի պահանջում. ձմերուկով դիետա

Ձմերուկները ոչ միայն շատ համեղ են ու օգտակար, այլև նիհարելու և օրգանիզմը մաքրելու շատ լավ միջոց են:

Ձմերուկով մոնոդիետա

Ձմերուկով դիետան ամենաարագ և ամենախիստ դիետաներից է: Դրա տևողությունը պետք է չգերազանցի 5 օրը:

5 օր անհրաժեշտ է ուտել միայն ձմերուկ: Ցանկացած այլ սնունդ պետք է բացառել: Օրվա ընթացքում հարկավոր է ուտել մարմնի քաշի յուրաքանչյուր 10 կգ-ի դիմաց 1 կգ ձմերուկ:Այս ընթացքում կարելի է խմել միայն չգազավերված ջուր ու առանց շաքարավազի կանաչ թեյ: Այս դիետայի ընթացքում հնարավոր է կորցնել մինչև 7 կգ ավելորդ քաշ:

Բեռնաթափման օրեր

Մաշկի գեղեցկությունը կախված է ոչ միայն խնամքից, այլև օրգանիզմի ընդհանուր վիճակից, մասնավորապես՝ դրա մաքրությունից: Կուտակված շլակները նպաստում են այտուցվածության, վաղաժամ կնճիռների, աչքերի տակ մուգ շրջանների ու «պարկերի» առաջացմանը: Օրգանիզմը շլակներից մաքրելու համար անհրաժեշտ է շաբաթական երկու անգամ կազմակերպել բեռնաթափման օրեր ձմերուկով ու տարեկանի հացով: Սա կօգնի ոչ միայն մաքրել օրգանիզմը, այլև ազատվել ավելորդ կիլոգրամներից:

Օրվա ընթացքում անհրաժեշտ է սնվել միայն այս մթերքներով՝ մի կտոր ձմերուկի հետ մի փոքր կտոր հաց հարաբերակցությամբ և խմել միայն չգազավորված հանքային ջուր:

Մաքրող սմուզի ընթրիքին

Հարթ որովայն ու բարակ իրան ունենալու համար հարկավոր է երկու շաբաթ անընդմեջ ընթրիքի փոխարեն խմել ձմերուկի սմուզի: Սա նաև օգնում է մաքրել աղիները սննդի մնացորդներից ու վտանգավոր նյութերից:

Սմուզիի պատրաստման համար հարկավոր է հարիչի (блендер) օգնությամբ խառնել 100 գրամ ձմերուկի միջուկը, 3 ճաշի գդալ յոգուրտը և 1 ճաշի գդալ եզան  լեզվի  սերմերը: