Գտեք ձեր անթերի կերպարը. խորհուրդներ ոճի խորհրդանիշ համարվող հայտնի կանանցից (լուսանկարներ)

Նորաձևության հանճար Ջորջիո Արմանին ասել է, որ էլեգանտ լինել չի նշանակում աչքի ընկնել, այլ` հիշողության մեջ «խրվել»:

Այս հարցում օգնելու համար AdMe.ru-ն որոշել է ներկայացնել ոճի խորհրդանիշ համարվող հայտնի կանանց խորհուրդները, որոնք կհամալրեն ձեր պատկերն ու այն ավելի կանացի կդարձնեն.

Գրեյս Քելլի

• Կրեք new look ոճի փարթամ կիսաշրջազգեստներ։
• Շեշտ դրեք էլեգանտ աքսեսուարների` երկար ձեռնոցների, մարգարիտների, գլխարկների, շալերի, կլոր ականջօղերի վրա։
• Նախընտրություն տվեք պարզ ձևվածքներին։
• Զուսպ դիմահարդարում կրեք. ճենապակու գույնի մաշկ, աչքերի աննշան հարդարում և բաց (երեկոների համար` կարմիր) շրթներկ։

Էլիզաբեթ Թեյլոր

• Ընտրեք հասարակ զգեստներ` գոտկատեղի հատվածում նեղ, լայն կիսաշրջազգեստով և լանջաբացվածքով։
• Մի վախեցեք էքսցենտրիկ լինել. կրեք մորթի և ժանյակ, զգեստները լրացրեք ուլունքներով, բյուրեղապակիով և փետուրներով։
• Կրեք առավելագույնս հագեցած գույների հագուստ։

Օդրի Հեփբերն

• Հետևեք հիմնական կանոնին. «Ուշադիր նայեք ձեզ և գտեք ձեր ուժեղ կողմերը»։
• Նախընտրություն տվեք սև, սպիտակ, կարմիր գույներին։
• Առօրյայի համար ընտրեք գոտկատեղի հատվածում նեղ, մինչև ծունկ հասնող կիսաշրջազգեստներ և սև կամ մուգ շագանակագույն բարձր օձիքով սվիտերներ։
• Մի մոռացեք աքսեսուարների մասին. էլեգանտ պայուսակ, երկար մետաքսե ձեռնոցներ, ադամանդներով զարդեր, գլխարկներ։
• Կրեք ցածր կրունկով կոշիկներ։

Մերիլին Մոնրո

• Վառ շուրթերն ու ժպիտը բոլոր ժամանակների հիմնական այցեքարտն են։
• Ընտրեք կանացի և սեքսուալ pin up/new look/պրեպպի ոճի զգեստներ։
• Առօրյայում կրեք հասարակ զգեստներ. սվիտեր կամ բարձր օձիքով սվիտեր և մինչև ծնկները հասնող կիսաշրջազգեստ։
• Նախընտրություն տվեք հարթ կտորներին և հասարակ գույներին` սև, մոխրագույն, սպիտակ կամ բեժ։
• Կրեք բարակ կրունկներով կոշիկներ։

Սոֆի Լորեն

• Էլեգանտ տեսք ունենալու համար պետք է միայն որակյալ ապրանք ընտրել: Որոշեք, թե ձեզ ինչն է իրոք անհրաժեշտ, և այդ ամենը միայն ամենալավ որակով ձեռք բերեք։
• Պահպանեք ձեր դիրքորոշումն այն հարցում, ինչ ձեզ իրոք դուր է գալիս և սազում է: Երբեմն ուրիշների կարծիքը միայն խանգարում է գտնել սեփական ոճը:

Մոնիկա Բելուչի

• Շեշտը դրեք մարմնի միայն մի մասի վրա. եթե բացում եք ոտքերը, փակեք լանջաբացվածքը, և հակառակը։
• Նախընտրություն տվեք միատոն գույներին, ժանյակներին։
• Հիշեք, որ կանանց հիմնական զենքը վառ շրթներկն ու բաց թողած մազերն են։
• Կիսաշրջազգեստի ամենաճիշտ երկարությունը ծնկներից թեթևակի ներքև հասնող երկարությունն է. այսպես կարելի է ընդգծել ազդրերի ու ոտքերի գեղեցիկ ձևը: