Ինչպես 7 օրում ազատվել 7 կգ ավելորդ քաշից. վարունգով դիետա

Վարունգը շատ համեղ բանջարեղեն է, որը կարելի է օգտագործել նաև բուժիչ և կոսմետիկ պրոցեդուրաների ժամանակ: Վարունգով պատրաստված դիմակները շատ օգտակար են մաշկի համար, իսկ վարունգով դիետան հնարավորություն կտա շատ կարճ ժամանակահատվածում ազատվել մինչև 7 կգ ավելորդ քաշից:

 

Վարունգների օգտակար հատկությունները

 

Վարունգները մաքրում են օրգանիզմը, խթանում են նյութափոխանակությունը, մաքրում են աղիներն ու աղեստամոքսային տրակտը: Բացի այդ, այս բանջարեղենը ներծծում է ավելորդ հեղուկը և շատ հարմար է ամբողջ օրգանիզմի դետոքսիկացիայի համար, հատկապես, եթե առօրյա սննդակարգում շատ են պահածոյացված ու աղի մթերքները: Շատերը վարունգներն օգտագործում են նույնիսկ դեմքի մաշկը մաքրելու և ակնեից ազատվելու համար:

 

Այս դիետան տևում է 10 օր և այդ ընթացքում պարզապես հարկավոր է սննդակարգի մեջ ներառել որոշ մթերքներ: Այս դիետայի օգնությամբ կարելի է ազատվել մոտ 7 կգ ավելորդ քաշից: Քանի որ դիետան հիմնված է վարունգների վրա, ապա ուժգին քաղցի դեպքում կարելի է ուտել մեկ վարունգ:

 

Դիետայի պլանը.

 

1.Նախաճաշ.

 

2 հատ խաշած ձու և վարունգով աղցան:

 

2. Նախաճաշիկ.

 

5 հատ սալոր կամ մեկ մեծ խնձոր կամ մեկ հատ դեղձ (200 գրամ):

 

3. Ճաշ.

 

Մի կտոր բոված հաց (ցորենի) և վարունգով աղցան:

 

Վարունգով աղցանի բաղադրատոմսը.

 

·         400 գրամ վարունգ,

 

·         200 գրամ կեֆիր (կամ թթվեցրած կաթ),

 

·         աղ,

 

·         թարմ սոխ:

 

Վարունգը մաքրել և մանր կտրատել, ավելացնել աղը և խառնել, մինչև աղն ամբողջությամբ լուծվի: Ավելացնել կեֆիրը, լավ խառնել և ավելացնել սոխը:

 

4. Հետճաշիկ.

 

Վարունգով կոկտեյլ:

 

Պատրաստման եղանակը.

 

·         1 հատ վարունգ,

 

·         1 հատ խնձոր,

 

·         թարմ կոճապղպեղ,

 

·         սպանախ:

 

Բոլոր բաղադրիչները հարիչի օգնությամբ լավ մանրացնել, ավելացնել թարմ կոճոպղպեղը, լավ խառնել և խմել թարմ վիճակում, քանի որ այն շատ արագ կորցնում է իր օգտակար հատկությունները:

 

Վարունգները պարունակում են մեծ քանակությամբ վիտամիններ ու հանքանյութեր: Դրանք հարուստ են մանրաթելերով, մագնեզիումով, երկաթով, կալցիումով, C, E և B վիտամիններով, ուստի այս կոկտեյլը շատ առողջարար է օրգանիզմի համար:

 

5. Ընթրիք

 

Մրգեր՝ ըստ ճաշակի (300 գրամ):