Ֆինլանդուհին երկհարկանի տունը դրսից ծածկել է ահռելի վարդագույն ծածկոցով (լուսանկարներ)

Ֆինլանդիայի ամենաինքնատիպ արվեստագետներից մեկը՝ Օլեկ կեղծանունով կինը, ներկայացրել է նոր արտ նախագիծ՝ երկհարկանի տուն՝ դրսից ամբողջությամբ ծածկված գործված վարդագույն ծածկոցով:

Ինչպես նշում է thisiscolossal.com կայքը, 100-ամյա տունը գտնվում է Կերավա բնակավայրում: Ժամանակին այն պատկանել է ոմն Կառլ Ջեյքոբ Սվենսկին, ով Երկրորդ աշխարհամարտի տարիներին՝ ռմբակոծությունների ժամանակ, ստիպված է եղել ընտանիքի հետ լքել հարազատ տունն ու ավելի ապահով վայր տեղափոխվել:

Հեղինակի խոսքով՝ վարդագույն երանգի ընտրությունը պատահական չէ:  Ըստ Օլեկի՝ վարդագույնով ծածկված տունը խորհրդանշում է լուսավոր ապագան ու չմարող հույսն առ այն, որ մի օր իրենց տները պարտադրաբար լքած մարդիկ անպայման հետ են վերադառնալու: