Մարտ Բաբայանի անակնկալն իր երկրպագուներին և Եվա Ռիվասի հետ մեկ բեմում երգելու մասին

Ռուսաստանում բնակվող երգիչ Մարտ Բաբայանը սեպտեմբերին համերգային ծրագրով կներկայան Դոնի Ռոստովում:

Tert.am Life-ի հետ զրույցում երգիչը զրուցեց իր գործունեության և սպասվող անակնկալի մասին:

Երգիչն ամբողջ ամառ ակտիվ գործունեություն է ծավալել: Տարբեր վայրերում ելույթներ ունեցել, զբաղվել է ստեղծագործական աշխատանքներով` երգեր գրելով թե իր և թե գործընկերների համար:

«Ամռանը գրեթե չեմ հանգստացել: Միշտ աշխատել եմ և աշխատանքիս հետ զուգահեռ մի փոքր ժամանակ եմ գտել հանգստանալու համար: Բայց պետք է խոստովանեմ, որ շատ եմ սիրում աշխատանքս և այդ բուռն գործընթացում հոգնածություն չեմ զգացել»,- ասաց Մարտը:

Աշխատասեր երգիչն իր երկպագուներին անակնկալ է պատրաստել: Նա շուտով կթողարկի  նոր ալբոմ, որի մեջ զետեղված են զուգերգեր:

Իսկ մինչ այդ նա պատրաստվելու է սեպտեմբերի 14-ի և 16-ի համերգներին, որը ինչպես նշեցինք տեղի կունենա Դոնի Ռոստովում:

«14-ին կայանալիք գեղեցկության մրցույթի եզրափակչում, որը կազմակերպել է Ռուսաստանի հայակական միության աջակցությամբ,  ես և երգչուհի Եվա Ռիվասը կներկայանանք մեր երգերով և կաջացկցենք մասնակիցներին: Վաղուց է, ինչ Եվայի հետ ծանոթ եմ: Առաջին անգամ մենք միասին «Տաշի-շոու 2012-2013»-ի ժամանակ զուգերգով ենք ներկայացել երգելով Առնո Բաբաջանյանի «Երևանի սիրուն աղջիկ» երգը: Դա եղել է իմ ընկերոջ Տարոն Պողոսյանի գաղափարը, որը Euromusic Entertaimant պրոդուսեր- հիմնադիրն է»,-հավելեց Մարտը:

Վերջում հետաքրքվեցինք` արդյոք երգչի սիրտը դեռ ազատ է, նա պատասխանեց. «Այո, ես միշտ փնտրտուքի մեջ եմ, մինչև չգտնեմ իմ երկրորդ կեսին»:

Մելինե Տոնոյան