Հնեաբաններն ապշած են. հայտնաբերվել է կես տոննա հռոմեական մետաղադրամ

Իսպանիայի Տոմարես քաղաքում՝ ոռոգման համակարգի խողովակները վերանորոգելիս, շինարարները կես տոննա հռոմեական մետաղադրամ են գտել:

Պարզվում է, որ հազարամյակներ առաջ ինչ-որ մեկը մետաղադրամներով լի 19 կճուճ է թաքցրել հողի տակ, որտեղ հետո կառուցել են Zaudin այգին: Այժմ այգում տարվող բոլոր աշխատանքները դադարեցվել են, որպեսզի հնեաբանները կարողանան հետազոտություններ կատարել:

Հնեաբաններն այս հայտնագործությունը հազվագյուտ են համարում: 19-ից ինը կճուճները վնասված չէին, իսկ մնացածները կոտրված էին: Բոլոր կճուճներում հազարավոր արծաթյա և ոսկյա մետաղադրամներ կային:

Մեկ մետր խորությամբ թաղված կճուճների ընդհանուր քաշը մոտ 1300 ֆունտ է եղել, որոնցում եղած մետաղադրամներն ուղարկվել են Սևիլիա հնեաբանական թանգարան:

Ինչպես հայտնում է thevintagenews.com-ը՝ թանգարանում պարզվել է, որ մետաղադրամները թողարկվել են չորրորդ դարի վերջին: Սակայն այս թանգարանում մետաղադրամների նման ոչինչ չկար: Թանգարանի ամբողջ հավաքածուի մեջ չգտնվեց նոր մետաղադրամներին նման մեկը:

Թանգարանի տնօրեն Աննա Նավարո Օրտեգան ասել է, որ նրանք կապվել են Փարիզում, Իտալիայում և Մեծ Բրիտանիայում գտնվող իրենց գործընկերների հետ և պարզել են, որ նման մետաղադրամներ դեռ չեն հայտնաբերվել: Այս հայտնագործությունը կարևորագույն դեր ունի հնեաբանության ոլորտում:

Կճուճների հետազոտությունները բավականին դժվար են, քանի որ դրանք շատ փխրուն են և հեշտ են կոտրվում:

«Հավատացնում եմ, որ մեկ մարդը չի կարող հանել այս կճուճը: Այն չափազանց ծանր է: Մենք աշխատում ենք չվնասել դրանք, և գործադրում ենք հնեաբանության ոլորտում ունեցած բոլոր հնարավորություններն ու գիտելիքները»,- ասել է Օրտեգան:

Այժմ գիտնականները փորձում են պարզել, թե ինչու են կճուճները թաղվել հողի մեջ: Նրանք մի քանի ենթադրություն ունեն: Ակնհայտ է, որ մետաղադրամները ցանկացել են թաքցնել: Ենթադրություններից մեկի համաձայն՝ դրանք այնքան շատ են եղել, որ մի մասը թաքցրել են հարկեր մուծելու համար:

Գիտնականները կարծում են,  որ մետաղադրամները թաղվել են Հռոմի պատերազմներից մեկի ժամանակ: