Թոշակառուն շենքի մուտքը վերածել է Ռոկոկո ոճի թանգարանի

Կիևում ապրող թոշակառու Վլադիմիր Չայկան վերանորոգել է շենքի մուտքը Ռոկոկո ոճով:

Ինչպես գրում է meduza.io-ն՝ 65-ամյա տղամարդը զարդարել է շենքի մուտքը մոլդինգներով ու ֆոտոպաստառներով, իսկ աղբահանման համակարգը վերածել է անտիկ դարաշրջանի հենասյան:  Ինչպես նաև պատերից նկարներ է կախել ու անկյուններում՝ ծաղիկներ դրել:

«Հայրս ուղղակի սիրահարված է գեղանկարչությանն ու ճարտարապետությանը: Այս գեղեցկությունը ստեղծվել է 15 տարիների ընթացքում: Ես ֆինանսապես և ֆիզիկապես օգնել եմ  նրան, քանի որ մոլդինգների մի մասը չափազանց ծանր են՝ 20-30 կգ»,-ասել է թոշակառուի որդին՝ Անդրեյ Չայկան:

Աղբյուրի փոխանցմամբ շենքի մուտքում նույնիսկ էքսկուրսիաներ են անցկացվում: