«Գարնանային երազ»․ «Հայ Համերգ»-ի նոր ստեղծագործությունը՝ կանանց տոնի առթիվ

Մարտի 8-ի առթիվ «Հայ համերգ Project»-ը ներկայացնում է «Գարնանային երազ» երաժշտական կատարումը: Երգի խոսքերի հեղինակը Գեղամ Սարյանն է, երաժշտությունը գրել է Խաչատուր Ավետիսյանը։

«Հայ համերգ Project»-ը երիտասարդ երգիչ-երգչուհիների սեքստետ է, որը կատարում է տարբեր ժամանակների հիթային երգեր՝ նորովի մեկնաբանությամբ:  Երաժշտական նախագծի հեղինակներն են՝ Արթուր Ջանիբեկյանը և Ռուբեն Ջաղինյանը:

2019-ի տարեվերջին  նրանք ներկայացան «Զարթնում է Երևանը»  շքեղ համերգային ծրագրով՝ ազդարարելով իրենց մուտքը երաժշտական աշխարհ: Նոր ծրագրում հնչեցին «Երգ գինու մասին», «Օրոր շորոր» «Զարթնում է Երևանը» և այլ կատարումներ: Այդ շարքում տեղ էր գտել նաև պոպուրի՝ հայտնի և սիրված երգերից:  Հայոց բանակի օրվա առթիվ նրանց կատարմամբ հնչեց «Անել առավել, քան» նոր ստեղծված երգը: