Կանանց և տղամարդկանց ժեստեր, որոնք բացահայտում են նրանց սեքսուալ ցանկությունները

«Մարմնի լեզուն» ավելի շատ բան կարող է ասել մարդու մասին, քան խոսքերը: Ժեստերն ուսումնասիրելով՝ մարդկային հարաբերություններն առավել հեշտ կարող են դառնալ։ 

Հոգեբաններն առանձնացրել են կանանց և տղամարդկանց այն ժեստերը, որոնք բացահայտում են նրանց սեքսուալ ցանկությունները:

Tert.am Youth-ն առանձնացրել է տղամարդկանց և կանանց սեքսուալ ժեստերի նշանակությունները.

· Երբ կինն անսպասելի ուղղում է սանրվածքը կամ հագուստը, նշանակում է՝ նա նկատել է իրեն ուղղված տղամարդու հայացք:

· Երբ կինն ուղղում է մեջքն ու քայլում կուրծքը բարձր, նշանակում է՝ նա հավանել է ընդառաջ եկող տղամարդուն:

· Զրույցի ընթացքում, երբ կինը խաղում է մազերի հետ, բաժակի եզրերով կամ ծխախոտով, նշանակում է՝ նա անտարբեր չէ զրուցակցի հանդեպ:

· Երբ նստած դիրքում կինը դանդաղորեն ոտքը ոտքին է գցում և նույն կերպ անշտապ ուղղում է, դա վկայում է այն մասին, որ նա իրեն հարմարավետ է զգում տղամարդու ներկայությամբ:

· Կինը միշտ նստում է այն տղամարդու կողքին, ում առավել շատ է համակրում տվյալ միջավայրում:

·  Տղամարդու ներկայությամբ հայելու մեջ ինքն իրեն ուսումնասիրելը կամ նրա ներկայությամբ շրթներկ քսելն անուղղակի կերպով բացահայտում է կնոջ գրգռված լինելու մասին:

· Երբ կինը կծում է շուրթերը, նշանակում է՝ նա ցանկանում է տղամարդուն:

Տղամարդկանց ժեստերը նույնպես հետաքրքրական են`

· Կնոջ մոտ ոտքերը բաց դիրքով նստելով՝ տղամարդն ուզում է ընդգծել իր «սեփականատիրությունը»:

·  Ձեռքերը գրպանի շրջանում դնելը, բթամատի ցուցադրումը անուղղակի կերպով բացահայտում է տղամարդու սեքսուալ ակտիվ լինելը:

·  Երբ տղամարդն ուղղում է մազերը, փողկապը կամ ձգում մկանները, նշանակում է՝ տարածքում կին է հայտնվել և տղամարդուն նա հետաքրքրում է:

·   Երբ տղամարդու աչքերի բիբերը լայնանում են, նշանակում է՝ նա համակրում է կնոջը: Ընդ որում՝ դա նկատելի է առաջին 5 վայրկյանից:

· Ժեստերի կրկնօրինակումը նույնպես վկայում է այն մասին, որ նա կնոջ հանդեպ անտարբեր չէ:

Սեքսուալ ժեստերը կարող են արվել նաև ոչ միայն 1 անձի համար: Չի բացառվում, որ միևնույն միջավայրում լինեն մի քանի պոտենցիալ մարդիկ, որոնց համար էլ արվում են նման ժեստերը: Այնուամենայնիվ, ժեստերի լեզուն հասկանալն էլ բավական է հարաբերությունների հետագա քայլերում հաջողության հասնելու համար: