Շարլիզ Թերոնը՝ «Ֆորսաժ-8»-ի նկարահանման հրապարակում (լուսանկարներ)

Հոլիվուդյան աստղ Շարլիզ Թերոնը համալրել է հանրահայտ «Ֆորսաժ» կինոպատման նոր ֆիլմի դերասանական կազմն ու արդեն հասցրել է հայտնվել նկարահանման հրապարակում:

«Շարլիզ Թերոնն ուղղակի ստեղծված է չարագործ Սայֆերի դերի համար: Նրա մասնակցությամբ «Ֆորսաժն» անհամեմատ ավելի դիտարժան  կլինի»,- Tatler-ը մեջբերում է դերասաններից մեկի` Թայրիզ Գիբսոնի խոսքերը:

Ինքը` 40-ամյա Թերոնը, ևս շատ ուրախ է այս ֆիլմին մասնակցության համար:

«Այնքան եմ սիրում բոլոր այս անհավանական դերասաններին: Շնորհակալ եմ նրանց նման ջերմ ընդունելության համար»,- Instagram-ի իր էջում գրել է Թերոնը:

Աղբյուրը մանրամասնում է, որ «Ֆորսաժ- 8»-ի պրեմիերան կկայանա եկող տարվա ապրիլին: Թեև դրա սյուժեն խիստ գաղտնի է պահվում, այնուհանդերձ` դերասանական կազմի գլխավոր խաղացողները հայտնի են` Ջեյսոն Սթեթհեմ, Վին Դիզել, Միշել Ռոդրիգես, Դուեյն Ջոնսոն, Սքոթ Իսթվուդ, Շարլիզ Թերոն, Թայրիզ Գիբսոն: