Հայ երիտասարդները նշում են «Ոսկե աշուն 2016»-ը (լուսանկարներ)

Երևանյան ակումբներից մեկում, երեկ «Ոսկե աշուն 2016» փառատոնը հայտարարվեց բացված: Բառի բուն իմաստով ոսկեփայլ աշնան տրամադրություն էր:

Շատ երկրներում  նորաձև է փայլային կերպարները նմանատիպ փարթիների ժամանակ: Հավանաբար այս փաստն էլ գաղափար էր տվել կազմակերպիչների:

Ակումբի մուտքի մոտ  դիմահարդարները  հյուրերին ողողում էին  ոսկե փայլերով և դրանից հետո նոր թույլ տալիս ներս մտնել, իսկ տեղադրված  յուրահատուկ ոճով ֆոտոսթենդն էլ  թույլ էր տալիս անմահացնել հյուրերի  կերպարները:

Փառատոնին ներկա էին դիջեյներ՝  Diana, Güevo, Alen Hertz, Leö, Shant և  Ershova Valeriia: Հնչում էր ժամանակակից երաժշտություն, որը չուներ «Ոսկե աշուն» հիշեցնող ժամանակաշրջանի սպեցեֆիկա:

«Տարիներ առաջ «Ոսկե աշուն» փառատոն կար այստեղից էլ մենք ցանկացանք այդ գաղափարը վերցնել: Փորձել ենք հումորային տարբերակով տոնը տեղափոխել մեր օրեր: Այս անգամ ոսկե աշունը ներկայացրինք փարթիի տեսքով: Աշնային թեմատիկան էլ իր մեջ գույներ է ներառում, իսկ գույները ստեղծում է նաև տրամադրություն»,- Tert.am Life-ի հետ զրույցում ասաց երեկոյի կազմակերպիչներից մեկը՝  մոդել  և հաղորդավարուհի Սեդա Սերոբյանը:

Նյութը՝ Անահիտ Կասամանյանի

Լուսանկարները՝ Կարեն Հովհաննիսյանի