Առանց ձեռքերի ծնված տղան սովորել է նկարել այնպես, ինչպես կերազեր յուրաքանչյուրը

23-ամյա նկարիչ Մարիուշ Կեդզերսկին հիպերռեալիզմ ոճով է ստեղծագործում: Թվում է, թե նա սովորական նկարիչ է, եթե հաշվի չառնենք, որ նա առանց ձեռքերի է ծնվել:

dopestory.ru-ն գրում է, որ նա ճանապարհորդում է աշխարհով մեկ ու նկարում: Տարբեր երկրներում, հենց հատակին նստած նկարում է պատահական անցորդներին: Իր այս նախագիծը անվանել է «Մարիուշը նկարում է»:

«Իմ հաշմանդամությունը չի նշանակում, որ ես թերի եմ: Ես կարող եմ նկարել՝  շատերից ավելի լավ: Դրա պատճառով ես չպետք է հրաժարվեմ իմ երազանքից»,- ասել է նկարիչը:

2013 թվականին նա հաղթել է «Տարվա լավագույն միջազգային նկարիչ»  մրցույթում:

Մարիուշը սկսել է նկարել 7 տարեկանից և արդեն 700-ից ավելի նկարներ ունի: