Ճապոնական Յակուձա խմբավորման բացառիկ լուսանկարները

Յակուձան ճապոնական խմբավորում է, որը մաֆիայի ամենաազդեցիկ ներկայացուցիչներից է։ Այս խմբավորումը ստեղծվել է  XVII դարում և գոյատևել է մինչ մեր օրերը։ Ի սկզբանե նրանց օգտագործում էին Սամուրայների հետ զուգահեռ։ Սամուրայներն ավելի բացահայտ էին գործում, իսկ Յակուձան թաքնված, գաղտնի գործունեություն էր ծավալում։

Յակուձայի երկու ուղղությունների՝ «Յամագուտի -գումի» և  սրանից առանձնացված «Կոբե Յամագուտի- գումի» միջև հակամարտության պատճառով մարդիկ չէին կարողանում ապահով քայլել փողոցներում։ Երեխաներին ոստիկաններ էին ուղեկցում, իսկ մեծահասակներն առանց սուր անհրաժեշտության տանից դուրս չէին գալիս։

Յակուձան մեր ժամանակների ամենաազդեցիկ հանցավոր խմբավորումն է, որի անդամներն առանձնանում էին առանձնակի դաժանությամբ ու չներողամտությամբ։ Նրանց ճանաչելը շատ հեշտ էր՝ նրանց մարմինն ամբողջովին դաջվածքներով էր պատված։ Այդպիսի մարդկանց տեսնելով՝ մարդիկ հեռու էին մնում նրանցից ու աշխատում էին աչքի չընկնել։

Յակուձան, ինչպես նաև մի քանի այլ հանցավոր խմբավորումներ Ճապոնիայում օրինական են, սակայն գտնվում են ոստիկանության հսկողության տակ։ Նրանք իրենց հատկացված տարածքներ ունեն, որտեղ ապրող մարդիկ իրենց են ենթարկվում և իրենք պարտավոր են հոգալ այդ մարդկանց ապահովության մասին։