Պլաստիկ վիրահատությունների սիրահար եղբայրները չեն դադարում «այլանդակել» իրենց դեմքերը

21-րդ դարում պլաստիկ վիրահատությունները շատ տարածված են։ Հետազոտությունների համաձայն աշխարհում արվել է ավելի քան 17մլն վիրահատություն։

fishki.net-ը գրում է, որ կարծրատիպ կա, որ պլաստիկ վիրահատությունները տարածված են կանանց շրջանում, սակայն տղամարդիկ ևս դիմում են նման միջամտությունների։

Ֆրանսիացի եղբայրներ Իգոր և Գրիշկա Բոգդանովները հայտնի ֆիզիկոսներ են։ 80-ականների սկզբին նրանք կարողացան սեփական հաղորդումն ունենալ, որը նվիրված էր ֆանտաստիկային։ Հաղորդմանը զուգահեռ նրանք չէին դադարում ֆիզիկայով զբաղվել։ Բոգդանովները շատ պահանջված էին կանանց շրջանում, սակայն դժգոհ էին իրենց արտաքին տեսքից։ 90-ականներին նրանց մասին սկսեցին մոռանալ, նրանք սկսեցին դիսերտացիաներ գրել և արեցին իրենց առաջին պլաստիկ վիրահատությունը։

Սա սկիզբ դրեց պլաստիկ վիրահատությունների հսկայական շարքին, որը մինչ այսօր էլ շարունակվում է։ Նրանք իմպլանտներ են տեղադրել դնչի հատվածում, այտերի մեջ, բոտեքսային լցոնումներ են արել շրթունքներում և այլն։

Այժմ նրանք հայտնի հաղորդավարներ ու պրոդյուսերներ են։ 63-տարեկանում նրանք տասնյակ վիրահատությունների են գնացել։ Երկրպագուներից շատերը նույնիսկ կարծում են, որ նրանք հոգեբանական հիվանդություն ունեն, քանի որ չափից շատ վիրահատություններ են արել և «այլանդակել» են իրենց դեմքերը։