Դպրոցականին 1,25 մլն դոլար կվճարեն զուգարան գնալ թույլ չտալու համար

Հաճախ, ուսուցիչների դաժանությունը սահմաններ չի ճանաչում։ Երեխաներին կրթելու խոստում տված մարդիկ չարաշահում են իրենց իրավունքներն ու երեխաներին հոգեբանական ծանր իրավիճակի մեջ գցում, ինչը հետապնդում է նրանց հետագա ամբողջ կյանքի ընթացքում։

samoeinteresnoe.net-ը գրում է, որ այս դեպքը պատահել է, երբ ուսուցչուհին թույլ չի տվել 14 ամյա աշակերտուհուն դուրս գալ դասարանից զուգարան գնալու համար։ Ուսուցչուհին համարել է, որ դա կխախտի դպրոցի օրենսգիրքը և աղջկան այլ սենյակ է տարել, որտեղ ստիպել է նրան հատուկ դույլի մեջ հոգալ կարիքները։

Աշակերտուհին այս ամենի մասին պատմել է ծնողներին։ Նա ստիպված է եղել մի քանի դպրոց փոխել այն բանից հետո, երբ նրա ծնողները դատարան են դիմել ու բողոք ներկայացրել, իսկ հետագայում սա տարածել են  նաև լրատվամիջոցները։ Աղջիկը նույնիսկ ցանկացել է ինքնասպան լինել։

Ընտանիքը $25000 փոխհատուցում է պահանջել դպրոցից, սակայն դատարանը մերժել է այս հայցը։ Փոխարենը, որոշում է ընդունվել արդեն 19-ամյա աշակերտուհուն 1,25մլն դոլար վճարել՝ որպես բարոյական վնասի փոխհատուցում։

Ուսուցչուհուն հավերժ արգելել են ուսուցչությամբ զբաղվել։ Նա հայտնել է, որ չէր ցանկանում վնասել աղջկան և միայն փորձում էր դպրոցի շահերը պաշտպանել։ Նա ասել է, որ ինքն էլ հաճախ է օգտվել այդ դույլից։