«Խոստումը» ֆիլմը հայերեն կրկնօրինակել են Հայաստանի հայտնի դերասանները

Հայոց ցեղասպանության մասին պատմող «Խոստումը» ֆիլմի հայերեն թրեյլերը Tert.am Life–ն արդեն ներկայացրել է իր ընթերցողներին։ ԱՄՆ–ում արդեն կայացել է ֆիլմի պրեմիերան։ «Խոստումի» հայաստանյան պրեմիերան  կկայանա ապրիլի 27–ին։  

Առաջին ալիքի  Հասարակայնության հետ կապերի բաժնից հայտնում են, որ ֆիլմի կրկնօրինակումն իրականացրել է Հայաստանի հանրային հեռուստաընկերությունը։

Հանդիսատեսը մեծ էկրաններին ֆիլմը կարող է դիտել  հայ սիրված դերասանների կրկնօրինակմամբ: Կրկնօրինակմանը մասնակցել են Խորեն Լևոնյանը, Բաբկեն Չոբանյանը, Արմեն Մարգարյանը, Սամվել Թոփալյանը, Զարուհի Հովհաննիսյանը, Սիրանուշ Լազյանը, Կարինե Ջանջուղազյանը և այլք:

Հիշեցնենք, որ ֆիլմի ռեժիսորը Տերի Ջորջն է։ Ֆիլմում խաղում են բազմաթիվ հայտնի դերասաններ՝ Քրիստիան Բոյլը,  Օսկար Այզեկը, Ժան Ռենոն և Անժելա Սարաֆյանը։ Ֆիլմի պրեմիերան կայացել է 2016 թվականի սեպտեմբերի 11-ին՝ Տորոնտոյի Միջազգային կինո-փառատոնում։