Ինչ բիզնեսներ ունեն հայ հայտնիները

Հայ հայտնիներից շատերն ունեն իրենց բիզնեսը, որը ծառայում է որպես եկամուտի կողմնակի, որոշ դեպքերում էլ` հիմնական աղբյուր։

Tert.am Life–ն իր ընթերցողներին է ներկայացնում հայտնիների բիզնեսները։

Սարգիս Գրիգորյանն ու կինը` Մանոն, ունեն ընկերություն, որը զբաղվում է հարսանիքների կազմակերպմամբ։ Սարգիսը քանիցս նշել է, որ իրենց բիզնեսը հիմնականում Մանոն է ղեկավարում։ Զույգը նաև վարում է հարսանիքներ, Մանոն օգտագործում է իր առաջին` պարուհու մասնագիտությունն ու բեմադրում հարսի պարերը։

Սոս Ջանիբեկյանը գինետուն և փաբ ունի, սակայն նա այս բիզնեսների միակ սեփականատերը չէ։ Դերասանը համագործակցում է  ընկերոջ հետ։

Նունե Եսայանը հայկական շոու բիզնեսի առաջին բիզնես–լեդիներից է։ Տարիներ առաջ նա հիմնադրեց գեղեցկության իր սրահը։

Անահիտ Սիմոնյանը հիմնել է իր նորաձևության սրահը։ Երգչուհին, ով տևական ժամանակ է, ներկայանում է որպես ոճաբան, հաճախ է  համագործակցում  հայտնի գործընկերների հետ։

Ալեքսանդր Բաբասյանը բիզնես ունի ոչ միայն  Երևանում, այլև Մոսկվայում։ Մի քանի տարի առաջ նա սրճարան էր բացել Մոսկվայում։ Վերջին շրջանում նա հիմնադրեց իր սրճարանը նաև Երևանում։

Գրիգոր Դանիելյանն ու Հռիփսիմե Ելինյանը հիմնել են իրենց ստուդիան, որը պատրաստում է դերասանների և երգիչների։

Իրինա և Լուսինե Թովմասյաններն ունեն իրենց ընկերությունը,որը զբաղվում է մանկական միջոցառումների կազմակերպմամբ։

Մարտին Մկրտչյանն ու Հռիփսիմե Հակոբյանն ունի տուրիստական գործակալությունը։ Հայտնիներից շատերը հենց նրանց տուրիստական գործակալությունից են օգտվում` արտերկիր մեկնելիս։

Սիրուշոն թողարկել է իր «Պռեգոմեշ» հավաքածուն, որը լայն տարածում գտավ երիտասարդ աղջիկների շրջանում։

Վաչե Թովմասյանը ծիրանի բիզնես ունի։ Նա 30 հեկտար այգի ունի և մոտ 20 աշխատող։