Մենչը հուզիչ երգ է նվիրել հոր հիշատակին

Դերասան, պրոդյուսեր Արմեն Պետրոսյանը` Մենչը, երգ է նվիրել իր հայրիկի հիշատակին։ Tert.am Life–ի հետ զրույցում Արմենն ասաց, որ երգը գրվել է հատուկ իր հայրիկի` Աշոտ Պետրոսյանի հիշատակի համար։

Արմենը շնորհակալություն է հայտնել այն մարդկանց, որոնք իր կողքին են եղել և օգնել երգը վերջնական տեսքի բերել։

Նա,  մասնավորապես, շնորհակալություն է հայտնել դերասան Գոռ Հակոբյանին, որ երգի ստեղծման առաջին օրվանից եղել է իր կողքին, երաժշտության հեղինակ Արման Անտոնյանին, գործիքավորումն իրականացրած Հով Գրիգորյանին, տեսահոլովակը մոնտաժած Արսեն Սարիբեկյանին։

Երգը կատարում է Արայիկ Ավետիսյանը:

Դերասանի հայրը մահացել է 2016 թվականի մարտի 24-ին։ Նա առողջական խնդիրներ ուներ։