Նոր տեսահոլովակ Արցախի և հայ ժողովրդի մասին

 «Արցախի ձայներ» նախագիծը ներկայացրել է նոր տեսահոլովակ, որը կոչվում է «Ես եմ»։ Այն Արցախի ու հայ ժողովրդի պատմության ու պայքարի, հաղթանակների ու կամքի, նոր սերնդի ու նրա պահանջատեր կեցվածքի մասին է:

«Ես եմ» տեսահոլովակը փոքրիկ ֆիլմ է, որտեղ հեղինակները համադրել են ամեն ինչ՝ հայ ժողովրդի պատմությունից հայտնի պատմական կերպարներ, էպոսի հերոսներ, ժամանակակից երեխաների ամենասիրելի հերոսներ:

Տեսհոլովակի գլխավոր հերոսը փոքրիկ տղան է, որը ժամանակի ընթացքի մեջ ճամփորդում է հայ ժողովրդի պատմության տարբեր ժամանակաշրջաններով, հասնելով մինչև մեր օրեր։

Տեսահոլովակում զետեղված են ՀՀ Ազգային հերոս Մոնթե Մելքոնյանի տեսագրությունները, որոնցում հերոսի արտահայտած մտքերն ու դատողությունները շարունակում են սերունդներ դաստիարակել։