Արմենչիկի նոր տեսահոլովակը` նվիրված Սամվել Կարապետյանի որդուն և հարսին

15:38 • 18.09.17

Սեպտեմբերի 16–ին Մոսկվայում կայացել է «Տաշիր» ընկերության սեփականատեր Սամվել Կարապետյանի կրտսեր որդու՝ Կարեն Կարապետյանի հարսանիքը։ Նրա ընտրյալը՝ Լիլիթը, արմատներով Տաշիրից է, ապրում է Մոսկվայում:

Հարսանյաց հանդեսի ժամանակ ելույթ են ունեցել հայկական և ռուսական շոու բիզնեսի հայտնի դեմքերը։ Երեկոն վարել են Անդրեյ Մալախովը, Քսենյա Սոբչակը, Նիկոլայ Բասկովը և Վերա Բրեժնևան:

Կարենի և Լիլիթի համար հատուկ երգ է գրվել, որի պրեմիերան կայացել է հարսանիքի ժամանակ։ «Դու իմ հեքիաթ» կոչվող երգը գրել է Արմենչիկը։ Երաժշտության հեղինակն Արմենչիկն է։ Խոսքերը գրել է Ավետ Բարսեղյանը։ Տեսահոլովակի ռեժիսորը Գևորգ Ջուգարյանն է։

Արմենչիկի պաշտոնական ալիքում ևս նշված է, որ երգը նվիրված է Կարեն և Լիլիթ Կարապետյաններին` նրանց պսակադրության առթիվ։