Աստղերը` «Ոսկե գլոբուս-2018»-ի կարմիր գորգին. սև զգեստներով նրանք արտահայտել են իրենց բողոքը

11:45 • 08.01.18

Հունվարի 7-ին Լոս Անջելեսի «Բևեռլի Հիլթոն» հյուրանոցում կայացել է կինեմատոգրաֆի և հեռուստատեսության ոլորտում ձեռքբերումների համար «Ոսկե գլոբուս-2018» կինոմրցանակաբաշխության 75-րդ արարողությունը:

Նշանակալի մշակութային իրադարձություն լինելուց զատ՝ այն նաև հրաշալի առիթ է աստղերի համար ևս մեկ անգամ հանդիսավոր կարմիր գորգով անցնելու ու իրենց հմայիչ տեսքով շրջապատին հիացնելու առումով։

Հետաքրքրական է, որ կինոմրցանակաբաշխության այս տարվա կարմիր գորգն էականորեն տարբերվել է մյուս տարիների «Ոսկե գլոբուս»-ի կարմիր գորգերից: Այս տարի աստղերը համատեղ որոշման արդյունքում միջոցառմանն են ներկայացել սև զգեստներով՝ ի նշան սեռական բռնության զոհ դարձած կանանց աջակցության:

Tatler-ը մանրամասնում է, որ ավելի վաղ հոլիվուդյան դերասանուհիները հիմնել էին «Ժամանակը սպառվել է» շարժումը, որի նպատակն է վերջ տալ կինոոլորտում ու դրա սահմաններից դուրս կանանց նկատմամբ սեռական բռնությանը, ինչպես նաև հասնել գենդերային հավասարության:

Շարժմանն աջակցող աստղերը կարմիր գորգին են հայտնվել ամբողջովին սևազգեստ՝ ապացուցելով, որ հոլիվուդյան կինոմրցանակաբաշխությունները դիտարժան շոու լինելուց զատ կարող են նաև հասարակության համար կարևոր փոփոխությունների խթան լինել:

Հատկանշական է, որ մի շարք դերասանուհիներ կարմիր գորգին են հայտնվել ոչ թե ամուսինների ու ընկերների, այլ տարբեր կազմակերպությունների ակտիվիստների հետ:

Անջելինա Ջոլին որդու հետ