Ջենիֆեր Էնիսթոնն ու Ջասթին Տերուն բաժանվել են. երկրպագուները կանխատեսում են Բրեդ Փիթի հետ վերամիավորում

Հոլիվուդյան դերասանուհի Ջենիֆեր Էնիսթոնն ու դերասան Ջասթին Տերուն բաժանվել են 2.5 տարի տևած ամուսնությունից հետո, հայտնում է The Daily Mail-ը՝ աստղի անձնական գործակալի հայտարարությանը հղումով: Նշվում է, որ բաժանվելու վերաբերյալ որոշումը եղել է փոխադարձ ու կայացվել է տարեվերջին:

Քառասունիննամյա Էնիսթոնն ու 46-ամյա Տերուն նշանադրվել էին 2012թ. և 3 տարի անց գաղտնի պսակադրվել Լոս Անջելեսի իրենց տանը: Անձնական գործակալը նշել է, որ նախկին ամուսինները շարունակում են միմյանց մեծ սիրով ու հարգանքով վերաբերվել:

Հայտնի է, որ Էնիսթոնին ու Տերուին վերջին անգամ միասին են տեսել Նոր տարուն՝ մեքսիկական հանգստավայրերից մեկում:

Իսկ օրերս դերասանուհին նշել է ծննդյան 49-րդ տարեդարձը, և սոցցանցերում հրապարակած լուսանկարներում Տերուն բացակայում է:

Աղբյուրը հավելում է, որ Էնիսթոնն արդեն վաճառքի է հանել Լոս Անջելեսի Բել Էյր թաղամասում գտնվող համատեղ առանձնատունը:

Հատկանշական է, որ վերջերս տված հարցազրույցներից մեկում, Էնիսթոնը պատմել էր, որ իրեն անչափ երջանիկ է զգում ամուսնու հետ այս տանը:

Նշվում է, որ բաժանության լուրի ֆոնին Էնիսթոնի երկրպագուներն ակտիվորեն քննարկում են աստղային շիկահերի ու նախկին ամուսնու՝ դերասան Բրեդ Փիթի երջանիկ վերամիավորման հավանականությունը: