Քիմ Քարդաշյանը պատմել է՝ որ հատկանիշների շնորհիվ է կարողացել 200 մլն դոլարի կարողություն կուտակել

15:12 • 06.03.18

Ամերիկահայ հեռուստաաստղ Քիմ Քարդաշյանը համարվում է շոու բիզնեսի ամենահաջողակ ու հարուստ կանանցից մեկը, որը Keeping Up With The Kardashians իրապատում շոուի և KKW Beauty կոսմետիկ պարագաների բրենդի շնորհիվ կարողացել է 200 մլն դոլարի հարստություն դիզել:

Ինչպես նշում է The Daily Mail-ը, 37-ամյա աստղն իր պաշտոնական կայքում պատմել է՝ ինչ հատկանիշների շնորհիվ է կարողացել նման ունեցվածքի տեր դառնալ:

«Թեկուզ հաջողության համար որևէ բաղադրատոմս չկա, այնուհանդերձ՝ ես հանգել եմ այն համոզմանը, որ հետևյալ սկզբունքների շնորհիվ եմ կարողացել կառուցել իմ բիզնեսներն ու իրագործել երազանքներս: Աշխատանքից ուշանալը, չներկայանալը կամ աշխատանքը չանելը որևէ արդարացում չի կարող ունենալ: Մարդիկ բազմաթիվ կողմնակի գործեր ունեն, ուստի՝ եթե ինչ-որ բան հանձն եք առնում, ապա պետք է ճշտապահ ու հարգալից լինեք»,-գրել է Քարդաշյանը՝ ընդգծելով, որ հաջողության գրավականներից մեկն աշխատանքը սիրելն ու այն հաճույքով անելն է:

New: Kim Kardashian shared behind the scenes images from her Vogue India shoot on Monday. She also wrote about the seven steps she uses to be successful

«Եթե ինչ-որ բան ձեզ իսկապես ոգևորում է, ապա մտածեք՝ ինչպես կարող եք դրանից օգուտ ստանալ՝ չմոռանալով, իհարկե, ինքնավստահության մասին»,- շարունակել է աստղային հայուհին:

Բացի այդ, նա կարևոր է համարում սեփական սխալն ընդունելու ու խոստովանելու հատկությունը:

«Եթե սխալվում եմ՝ դաս եմ քաղում դրանից ու առաջ եմ շարժվում: Երբեք մի մեղադրեք ուրիշներին: Եվ ամենավերջում՝ խորհուրդ կտամ չմոռանալ ինքներդ ձեր մասին: Ժամանակ հատկացրեք ձեզ, ներշնչանքի նոր աղբյուր գտեք, որպեսզի չհյուծվեք»,-նշել է 3 երեխայի մայրը:

Բացի այդ, նա կիսվել է հնդկական Vogue-ի համար արված ֆոտոշարքի նոր լուսանկարներով՝ ընդգծելով, որ իրեն շատ է դուր եկել հնդկական և արևելյան ոճերի համադրումը:

Happy model: 'The set on my photo shoot for the Vogue India cover was so much fun. I loved all of the colors and the mix of Indian and Western styling,' she wrote on her site

The fussing: Here she wore a red jacket over pink lingerie and red heels

The team: 'They even created this amazing red flower wall in the studio for one of the shots. Mario did my makeup and Chris Appleton did my hair. The photos are all by Greg Swales,' she added