Չհրապարակված լուսանկարներ «Ազիզյանների» նոր եթերաշրջանից

18:15 • 26.03.18

Ապրիլին Ucom ցանցում գործող «Արմենիա Պրեմիում» հեռուստաալիքի եթերում կմեկնարկի «Ազիզյանները» սիթքոմի նոր եթերաշրջանը։ Պրեմիերային ընդառաջ Tert.am Life–ը եղել է սիթքոմի նկարահանման հրապարակում և ներկայացնում է նոր եթերաշրջանի մանրամասներն ու ֆոտոշարքը։

Նախագծի գլխավոր դերակատար և սո–պրոդյուսեր Հայկ Մարությանը չգիտի` ինչ զարգացումներ են սպասվում «Ազիզյանների» չորրորդ եթերաշրջանում. «Ինձ էլ է հետաքրքիր, թե ինչ է սպասվում այս եթերաշրջանում»։

Անի Լուպեն հայտնեց, որ նոր եթերաշրջանում կլինեն նոր կերպարներ, սակայն փակագծերը բացել չցանկացավ, որպեսզի հեռուստադիտողների համար առավել հետաքրքիր լինի։

«Թեպետ «Արմենիա Պրեմիումի» նոր եթերաշրջանն սկսվում է ապրիլի 2-ից, Ucom-ի հեռուստադիտողները, ինչպես միշտ, հնարավորություն ունեն օրեր առաջ դիտելու «Ազիզյանների» նոր արկածները «Տեսավարձույթ» բաժնում», - նշեց Ucom ընկերության գլխավոր տնօրեն Հայկ Եսայանը։