«Համերգ չենք նախատեսում». Սերժ Թանկյանը Հայաստանի ճանապարհին է

System of a Down ռոք խմբի անդամ Սերժ Թանկյանն այսօր ժամանելու է Հայաստան։

Այս օրերին լուրեր են շրջանառվում, որ երգիչը համերգ է ունենալու Երևանում։ Այս խոսակցությունները շատ են ուրախացրել երգչի երկրպագուներին, սակայն նա շտապել է հերքել դրանք։

Թանկյանն Ինստագրամի իր էջում լուսանկար է հրապարակել, հայտնել, որ արդեն Հայաստանի ճանապարհին է, սակայն համերգ չի նախատեսում։

«Հայաստա՛ն, մենք գալիս ենք: Այնուամենայնիվ, համերգ նախատեսված չէ: Տեղյակ չեմ՝ ով է այդ տեղեկությունը տարածել»,- գրել է երգիչը: