«Ոսկե ծիրանի» բոլոր մրցանակակիրներն ու փակման ֆոտոշարքը

«Ոսկե ծիրան» 15-րդ հոբելյանական փառատոնն արդեն պատմություն է։ Արամ Խաչատրյան մեծ համերգասրահում կայացավ կինոփառատոնի փակման արարողությունը, որի ժամանակ հայտնի դարձան փառատոնի մրցանակակիրները։

 

Tert.am Life–ը ներկայացնում է միջոցառման հետաքրքիր պահերն ու բոլոր մրցանակակիրներին։

 

Այսպիսով`

 

«Լավագույն սցենար» անվանակարգում Հրանտ Մաթևոսյանի անվան մրցանակը ստացավ ռեժիսոր Աբուֆազլ Սաֆարը՝ «Մայրամուտի բեռնատարը» ֆիլմի համար:

 

Սոս Սարգսյանի անվան մրցանակը`«Լավագույն դերասան» անվանակարգում ստացավ  Շանթ Հովհաննիսյանը՝ «Եվա» ֆիլմում իր դերակատարման համար:

 

 

Անահիտ Աբադի «Եվա»-ն ճանաչվեց նաև «Լավագույն ֆիլմ»` «Հայկական համայնապատկեր» հատուկ ծրագրում: Այս անվանակարգում «Լավագույն դեբյուտ» մրցանակին արժանացավ Արթուր Սահակյանի «Քամու հետ» ֆիլմը: «Հայկական համայնապատկեր» ծրագրի լավագույն սփյուռքահայ կինոգործիչ ճանաչվեց Առնո Խայաջանյանին։

 

Վավերագրական ֆիլմերի մրցույթում հատուկ մրցանակ ստացավ Վախթանգ Կունցև-Գաբաշվիլիի «Հատուկ աշխարհ» ֆիլմը:

 

Միջազգային վավերագրական ֆիլմեր անվանակարգում  «Արծաթե ծիրան»–ին արժանացավ Այնարա Վերայի «Կհանդիպենք վաղը, եթե Աստված տա…» ֆիլմին: «Ոսկե ծիրան»-ը ստացավ  Շևաուն Միզրահի «Հեռավոր համաստեղություն» ֆիլմը

 

 

Խաղարկային ֆիլմերի միջազգային մրցույթում «Արծաթե ծիրանը» բաժին հասավ Ժերմինալ Ռոոյի «Ֆորտունա» ֆիլմին, իսկ «Ոսկե ծիրան» ստացավ  Ռոման Բոնդարչուկի «Հրաբուխ» ֆիլմը:

 

«Փարաջանովյան թալեր» հատուկ մրցանակի արժանացան ռեժիսորներ Ժան Ֆրանկո Ռոսին և  Ասղար Ֆարհադին:

 

FIPRESCI-ի մրցանակին արժանացավ Մարիամ Խաչվանի «Դեդե» ֆիլմը:

 

Փառատոնի պատվո մրցանակին արժանացավ հանրահայտ օպերային երգչուհի Հասմիկ Պապյանը:

 

Լուսանկարները` Հրանտ Մարինոսյանի