Լուիզա Ղամբարյանը լուսանկար է հրապարակել Կիպրոսում ընտանեկան հանգստից

Դերասանուհի Լուիզա Ղամբարյանը, ով առանձնապես ակտիվ չէ սոցիալական ցանցերի իր էջերում, այսօր նոր լուսանկար է հրապարակել «Ինստագրամի» «Սթորի» հավելվածում: Լուսանկարում դերասանուհին դստեր՝ Գաբիի հետ է: Նրանք իրենց ամառային հանգիստն անցկացնում են Կիպրոսում: 

Ավելի վաղ Tert.am Life-ն իր ընթերցողներին հայտնել էր, որ Լուիզա Ղամբարյանը պատրաստվում է ամառային հանգիստը վայելել Կիպրոսում։ Մեզ հետ զրույցում նա նշել էր, որ ծովն ամառը վայելելու լավագույն տարբերակներից մեկն է:

«Ինձ համար հանգստի լիարժեք տարբերակը ծովափ մեկնելն է, երբ կարողանում ես և՛ նոր երկիր տեսնել` նոր տպավորություններ, նոր գույներ բացահայտել, մտահորիզոնդ ընդլայնել, և՛ ծովափնյա հանգիստ ունենալ։ Որքան էլ հետաքրքիր է նոր երկիր բացահայտելը, դրանից հետո միշտ պասիվ հանգստի կարիք եմ ունենում։ Կատարյալ տարբերակ է, երբ կարողանում ես տեսարժան վայրերին զուգահեռ ծովային հանգիստ ունենալ։ Ես սիրում եմ ծով, արևայրուք, կարդալ, անջատվել ու լսել ծովի ձայնը»,– ասել էր Լուիզան։

Դերասանուհին նշել էր, որ Կիպրոսի ընտրությունը պայմանավորված է եղել  նաև այն հանգամանքով, որ դստերը ցույց տան Երուսաղեմը, Հիսուսի ծննդավայրը` Բեթղեհեմը:

Ընտանիքը ծրագրել է երկշաբաթյա հանգիստ ունենալ: