Սարիկ Անդրեասյանն ու Լիզա Մորյակը երրորդ երեխան են ունեցել (լուսանկարներ)

Սեպտեմբերի 3-ին 30-ամյա Լիզա Մորյակն ու 42-ամյա Սարիկ Անդրեասյանը երրորդ երեխան են ունեցել: Այս մասին դերասանուհին հայտնել է սոցցանցերում, որտեղ նաև լուսանկար է հրապարակել ծննդատնից:

«Այն, ինչի մասին մենք կատակում էինք, տեղի ունեցավ: Սեպտեմբերի 3-ին, ժամը 22:34-ին լույս աշխարհ եկավ մեր որդին: Մենք շրջեցինք օրացույցը և դարձանք բազմազավակ ընտանիք: Զգուշացի՛ր, անվճար կայանատեղի: Միխայիլ որոշեցինք չանվանել, քանի որ չէինք ծրագրել: Անունը լինելու է «Է» տառով: Ամենայն հավանականությամբ՝ Էմիխայիլ: Ինչպե՞ս է ձեզ նման անունը։

Որդին մեզ չտանջեց սպասումով. հայտնվեց սրընթաց, կարծես գիտեր, որ այս աշխարհն արդեն պատրաստ է իրեն ընդունել, և չէր ցանկանում ստիպել մեզ սպասել և ոչ մի րոպե: Նա գեղեցիկ, քնքուշ տղա է: Նրա դիմագծերում մեր ողջ լռությունն է և մեր ողջ լույսը:

Նրա աչքերում, որոնք դեռ քնաթաթախ են և բացված դեպի հավերժություն, մենք արդեն ընթերցել ենք պատմությունը, որը դեռ նոր պետք է գրենք միասին: Հիմա մեր ուղին նրա քայլերն են: Եվ մենք երջանիկ ենք քայլել դրանով՝ դանդաղ, քնքշորեն, անսահման»,-  գրել է Մորյակը:

Այն մասին, որ զույգը երեխայի է սպասում, հայտնի էր դարձել մարտին: Անդրեասյանն ու Մորյակը, ովքեր ամուսնացել են 2022 թվականին, ունեն երկու դուստր՝ երեք տարեկան Էլիզաբեթը և Շարլիզը, ով լույս աշխարհ է եկել անցյալ տարվա մայիսին: Նաև ռեժիսորն ունի երկու որդի առաջին ամուսնությունից՝ 13-ամյա Մարկը և 9 տարեկան Մարտինը:

Անդրեասյանին հաճախ են քննադատում այն բանի համար, որ իր ֆիլմերում նկարահանում է կնոջը: Մորյակն արդեն մասնակցել է ռեժիսորի այնպիսի նախագծերի, ինչպիսիք են «Օնեգին», «Գուդբայ, Ամերիկա՛», «Կյանքը՝ ըստ կանչի», «Արևի տակ, եգիպտացորենի շարքերի երկայնքով», «Պատերազմ և երաժշտություն», «Հեքիաթ Սալթան ցարի մասին», «Պրոստոկվաշինո»:

Ապրիլին հայտնի դարձավ, որ նա կխաղա Էլեն Կուրագինայի դերը նրա «Պատերազմ և խաղաղություն» ֆիլմի էկրանավորման մեջ: Ինքը՝ դերասանուհին, ասում էր, որ իրեն ամոթ չէ մշտապես նկարահանվել ամուսնու ֆիլմերում: