Կինը ծննդաբերել է Բալիից Լոս Անջելես ուղևորվող օդանավում (լուսանկարներ, տեսանյութ)

«Չինական ավիաուղիներ» ավիաընկերության օդանավն արտակարգ վայրէջք է կատարել Ալյասկայում, երբ անսպասելիորեն ուղևորներից մեկն աղջիկ երեխա է ծննդաբերել նախատեսված ժամկետից ավելի քան ութ շաբաթ առաջ, գրում է The Daily Mail-ը։

Օդանավն իրականացնում էր Բալի - Լոս Անջելես չվերթը։

Ինքնաթիռի անձնակազմը խնդրել է ուղևորներին բուժօգնություն տրամադրել, և պարզվել է, որ ուղևորների մեջ բժիշկ կա, որն էլ օգնել է կնոջը ծննդաբերել։

Օդաչուն տեղեկացրել է ավիափոխադրող ընկերությանը և թույլտվություն խնդրել վայրէջք կատարել Ալյասկայի օդանավակայանում, սակայն վայրէջքից 30 րոպե առաջ կինը ծննդաբերել է և արժանացել մյուս ուղևորների ծափահարություններին։

Ուղևորներից մեկը նկարահանել է, թե ինչպես է բորտուղեկցորդուհին պահում երեխային՝ նրան և նրա մորը ծածկելով։

Ալյասկայում վայրէջքից հետո, կինը, ով մենակ է ճամփորդել, և երեխան տեղափոխվել են տեղի հիվանդանոցներից մեկը։