Ջասթին Բիբերին գերած գեղեցկուհին արձագանքել է (լուսանկարներ)

Կանադացի հայտնի փոփ երգիչ Ջասթին Բիբերն օրերս խնդրել էր Instagram-ի իր երկրպագուներին պարզել պատահական լուսանկարում տեսած գեղեցկուհու ինքնությունը, ով իրեն անչափ դուր էր եկել:

Ինչպես նշում է The Daily Mail-ը, դեռահասների «կուռքի» երկրպագուների հսկայական բանակն անմիջապես օգնության է նետվել` պարզելով, որ գեղեցկուհու անունը Սինդի է և որ նա գրանցված է Instagram-ում:

Աղբյուրը մանրամասնում է, որ Բիբերը տեղադրել է անծանոթուհու լուսանկարը` այն մակագրելով. «Աստված իմ, ո՞վ է նա»:

Իր անձի հանդեպ հանկարծակի առաջացած հետաքրքրության վերաբերյալ գրառում է արել նաև ինքը` Բիբերին գերած գեղեցկուհին:

«Չգիտեմ էլ ինչ ասեմ: Ես գրանցված եմ միայն Instagram-ում և Tumblr-ում: Իմ անունով ներկայացված մնացած բոլոր էջերը կեղծ են»,- գրել է 17-ամյա դեռահասը` հավելելով, որ իրեն անչափ հաճելի է նման ուշադրությունը: