Դի Կապրիոն պատմել է, որ իր կյանքի ամենասարսափելի պահերից մեկը կապված է Ռուսաստանի հետ (տեսանյութ)

Հոլիվուդյան հայտնի դերասան Լեոնարդո դի Կապրիոն սիրված հեռուստահաղորդավարուհի Էլեն Դեջեներեսի հաղորդման ժամանակ պատմել է իր կյանքի ամենասարսափելի պահի մասին` բացահայտելով, որ այն կապված է Ռուսաստանի հետ։

«Ես գտնվում էի Ռուսաստան թռչող ինքնաթիռում, երբ հանկարծակի նկատեցի, որ դրա շարժիչներից մեկն այրվում է ու ամբողջությամբ կրակի մեջ է: Երևի թե ես միակ մարդն էի, ով դա տեսել էր: Սրահում միայն ռուս ուղևորներ էին, ու ինձ թվում էր, թե ես արդեն մահացել ու հանդերձյալ աշխարհում եմ հայտնվել, քանի որ ոչ ոք ոչինչ չէր ասում:  Երբ ես բղավեցի, թե ինչ է կատարվում, նրանք շրջվեցին իմ կողմը, հետո մոտեցավ բորտուղեկցորդուհին ու հայտնեց, որ մի փոքր խնդիր է առաջացել»,-հարցազրույցի ընթացքում պատմել է դերասանը:

Նշենք, որ օրերս Դի Կապրիոն պատմել է իր ռուսական արմատների մասին` մանրամասնելով, որ իր տատիկի ազգանունը Սմիրնովա է:

Տվյալ ուղևորության մասին Դի Կապրիոն պատմում է ստորև հրապարակված տեսանյութի 3-րդ րոպեից.