Եթե ես ծնվեմ. սոցիալական գովազդ՝ ընդդեմ պտղի սեռի խտրական ընտրության (տեսանյութ)

«Պտղի սեռի խտրական ընտրության դեմ պայքար» ծրագրի շրջանակներում ստեղծվել է սոցիալական գովազդ։ Այդ ծրագիրը ֆինանսավորվում է Եվրոպական միության կողմից և իրականացվում է Մարդկային զարգացման միջազգային կենտրոնի, Արմավիրի զարգացման կենտրոնի, Մարտունու կանանց համայնքային խորհրդի և Save the Children կազմակերպության կողմից։

Ծրագրի նպատակն է նպաստել Հայաստանում սեռով պայմանավորված հղիության արհեստական ընդհատումների ցուցանիշի նվազեցմանը՝ խնդրի վերաբերյալ բնակչության գիտելիքների, վերաբերմունքի և ընկալումների դրական փոփոխության միջոցով։