Հայազգի գործարար Դանիլ Խաչատուրովն ամսական 100.000 ռուբլի ալիմենտ է վճարում նախկին կնոջը. լրատվամիջոցներ

«Ռոսգոսստրախ» ընկերությունների խմբի նախագահ Դանիլ Խաչատուրովը, ով 2015 թվականի ամռանն ամուսնալուծվել է հայտնի դիզայներ Ուլյանա Սերգեենկոյից, դատարանի միջոցով պարտավորվել է ալիմենտ վճարել նախկին կնոջը:

Ինչպես նշում է Tatler-ը, Սերգեենկոն ու Խաչատուրովը պայմանավորվել են, որ հայազգի օլիգարխը պետք է իրենց համատեղ դստեր` անչափահաս Վասիլիսայի ծախսերը հոգալու համար ամեն ամիս վճարի իր եկամտի մի մասը:

Այս դեպքում բարեկազմ շիկահերն իր նախկին ամուսնուց կստանար միլիոնավոր դոլարներ, սակայն Խաչատուրովը, ում կարողությունը Forbes հանդեսը գնահատել է 1.6 մլրդ դոլար, դատարան է ներկայացրել մի շարք փաստաթղթեր, ըստ որոնց ինքն ամսական ստանում է 600.000 ռուբլի եկամուտ։ Ռուսական լրատվամիջոցները գրում են, որ Սերգեենկոն Խաչատուրովից ստանում է ընդամենը 100.000 ռուբլի։