Թող քեզ մոտ եկած ցանկացած մարդ քեզնից հեռանա ավելի լավն ու երջանիկ դարձած. Մայր Թերեզայի խոսքերը

Մայր Թերեզային հաճախ անվանում են ամենաազդեցիկ կինն աշխարհում, իսկ նրա կյանքը` 20-րդ դարի մեծագույն իրադարձություն:  Փոքրամարմին միանձնուհու ձեռքբերումները և նրա անհատականությունը բացառիկ են ողջ մարդկության համար: Ներկայացնում ենք հազարավոր մարդկանց սրտեր հուզող նրա խոսքերը:

1. Ի՞նչ կարող եք անել աշխարհում խաղաղությունն ամրապնդելու համար: Գնացեք տուն և սիրեք ձեր ընտանիքը:

2. Հեշտ է սիրել հեռվում գտնվողներին, բայց այնքան էլ հեշտ չէ սիրել մերձավորներին:

3. Երբ դատապարտում ես մարդկանց, նրանց սիրելու համար ժամանակ չի մնում:

4. Ընտանիք ստեղծելու համար բավական է սիրել, իսկ այն պահպանելու համար պետք է սովորել համբերել և ներել:

5. Թող քեզ մոտ եկած ցանկացած մարդ քեզնից հեռանա ավելի լավն ու երջանիկ դարձած:

6. Սիրիր և թող սերը քեզ համար բնականոն  դառնա, ինչպես շնչելը: Ոչինչ մի պահանջիր: Ոչինչ մի սպասիր: Եթե  ինչ-որ բան է քեզ տրվում, երախտապարտ եղիր:

7. Ամենակարևոր դեղամիջոցը քնքուշ սերն ու հոգատարությունն է:

8. Հիասթափվելով մեկից` մի պատժիր մյուսին: Մարդիկ տարբեր են: Մի կորցրու վստահելու, հավատալու և սիրելու ունակությունը:

9. Հավանության և ողջույնի խոսքերը կարճ են, սակայն հավերժ  արձագանք ունեն:

10. Ինչ որ անում եք, արեք սիրով կամ ընդհանրապես մի արեք:

11.  Որքան շատ սեր, իմաստություն, գեղեցկություն և բարություն բացահայտեք ինքներդ ձեր մեջ, այնքան շատ դրանք կնկատեք շրջապատում:

12.  Աստված մեզ փորձություններ է ուղարկում, որպեսզի հաղթահարելով դրանք ամրապնդվենք:

13. Սեր տարածեք ամենուր, որտեղ էլ գտնվեք և նախևառաջ` ձեր տանը:

14. Սերը այն պտուղն է, որը հասնում է ցանկացած ժամանակ և որին հասնում է յուրաքանչյուրի ձեռքը:

15. Մեծագույն աղքատությունը սրտի աղքատությունն է: