Յոգայի 5 դիրք, որոնք ավելի տպավորիչ կդարձնեն սեքսը (լուսանկարներ)

Գաղտնիք չէ, որ յոգայի անգամ ամենապարզ տեսակը համարվում է ֆիզիկական, մտավոր ու հոգևոր կյանքը ներդաշնակեցնող, վերջիններիս վրա դրականորեն ազդող ամենաարդյունավետ ու առողջարար միջոցը: Բացառություն չէ նաև սեռական կյանքը, և պարբերաբար յոգայի որոշ վարժություններ իրականացնելու դեպքում հնարավոր է մարզել այնպիսի ներքին մկաններ, որոնց գոյության մասին անգամ չենք էլ իմացել, և այդպիսով ավելի հաճելի, բուռն և որակյալ դարձնել սեռական կյանքը:
 

Մինչև վարժանքներին անցնելը պետք է հաշվի առնել, որ հաջողության և անհրաժեշտ արդյունքի հասնելու առաջին և միակ նախապայմանը շնչառության կարգավորման անհրաժեշտությունն է: Դա կարելի է փոխել շատ հեշտ տարբերակով՝ սկսելով շնչել և արտաշնչել միայն քթով, ինչը միանգամից կթուլացնի ու կթեթևացնի մարմինը, իսկ վարժություններն ավելի դյուրին ու հաճելի կթվան:
 

Այսպիսով ներկայացնում ենք 5 դիրքային վարժություն, որոնք կբարելավեն ձեր ֆիզիկական ու էմոցիոնալ վիճակը՝ անկողնում ձեզ ավելի ակտիվ դրսևորելու համար:
 

Գորտի դիրք

Այս դիրքն օգնում է զարգացնել կենտրոնացումը, ուժեղացնում է արյան հոսքն աճուկի և կոնքերի շրջանում, և հատկապես սեքսից առաջ անելու դեպքում կզգաք արդյունքը՝ անգամ առաջին փորձերից հետո:
 

Ծառի դիրք

Այս դիրքը շատ հեշտությամբ մարմնի և մտքի հավասարակշռություն կբերի ձեզ, ինչպես նաև կամրացնի ու կձգի մարմնի բոլոր մկանները, կբացի հատկապես տազի ու կոնքի մկանները: Այս մկանների բացվածությունն ու ձգվածությունը հետագայում կնպաստի նաև հեշտ հղիությանն ու ծննդաբերությանը, ինչը ևս շատ կարևոր հանգամանք է:

Թիթեռնիկ

Այս դիրքը հրաշալի միջոց է դանդաղ, բայց առանց մեծ ջանքերի զարգացնել ազդրերի ներքին մակերևույթի և ներքին օրգանների մկանները, ինչը կմեծացնի օրգազմի հավանականությունը։
 

Ուղտի դիրք

Ուղտի դիրքը պատկանում է լիցքաթափող դիրքերի շարքին, այն շատ արագ հեռացնում է հոգնածությունը, թարմացնում ինքնազգացողությունը և դուր կգա հատկապես սիրո երկարուձիգ գիշերների երկրպագուներին:
 

Երջանիկ մանկան դիրք

Երջանիկ մանկան դիրքը ձեզ հաստատ կերջանկացնի՝ ամրացնելով ձեր աճուկի և ազդրի հետին մկանները և հնարավորություն տալով սեռական ակտի ընթացքում փորձարկել ամենաանհավանական դիրքերը:

Tert.am Youth