Եթե ուզում ես ցույց տալ մարմնիդ դեռևս չցուցադրված մասերը` կուլ տուր տեսախցիկը. հոլիվուդյան դերասանուհու արձագանքը Քարդաշյանի «սելֆիին»

Ամերիկյան հայտնի հեռուստաաստղ Քիմ Քարդաշյանի ամբողջովին մերկ «սելֆին», անկասկած, անցած 2 օրվա ընթացքում համացանցը ցնցած լուսանկար է, որն արդեն հասցրել է քննադատությունների բուռն ալիք բարձրացնել:

Ինչպես նշում է mirror.co.uk-ը, սկանդալային լուսանկարին արձագանքել է նաև հոլիվուդյան հայտնի դերասանուհի Բեթ Միդլերը, ով Twitter-ում հետևյալ կերպ է մեկնաբանել այն. «Քիմ Քարդաշյանն այսօր հրապարակել է իր մերկ լուսանկարը: Եթե Քիմը ցանկանում է, որ մենք տեսնենք իր մարմնի՝ նախկինում չցուցադրված մասերը, ուրեմն պիտի կուլ տա տեսախցիկը»:

Քիմն անմիջապես արձագանքել է այս թվիթին` կոչ անելով Միդլերին «այդ ամենին ավելի թեթև վերաբերվել»: Դրան հաջորդած թվիթում հեռուստաաստղը Միդլերին «կեղծավոր ընկեր» է անվանել: