Էմոցիաներ, նվերներ ու նոր հնարավորություններ. առաջին տպավորությունները I like it նախագծի հաղթողներից

Tert.am Life-ն իր ընթերցողին տեղեկացրել է, որ «Արմենիա TV»-ով հետարձակվող I like it մանկական երաժշտական նախագծում հաղթեց Սոնա Ռուբենյանի թիմից 8-ամյա Լինա Ադիբեկյանը։

Նախագծի ավարտից անմիջապես հետոTert.am Life-ը զրուցել է ինչպես հաղթողների, այնպես էլ երաժշտական նախագծի պրոդյուսեր Իրինա Վարդանյանի և հաղորդավարների հետ։

Սուպեր եզրափակիչ անցել էին Միհրան Ծառուկյանի թիմից Արման Մուրադյանը, Նիկ Էգիբյանի թիմից Բրունոն, իսկ Սոնա Ռուբենյանի թիմից Լինա Ադիբեկյանը։ Չնայած հաղթանակը բաժին հասավ Լինային, սակայն մյուս երկու մասնակիցները ևս ձեռնունայն չմնացին։ Նվերներ, մասնակցության հավաստագրեր և հետագայում էլի եթերներում հայտնվելու հնարավորություն։

Հաղթող մասնակից՝ Լինա Ադիբեկյանին «Արմենիա TV»-ն նվիրեց մեկ երգ և մասնակցության ուղեգիր Սոչիում կայանալիք «Տարվա երգ» մրցանակաբաշխությանը։

Չնայած բազմաթիվ շնորհավորանքներին, ամեն դեպքում, Լինան մի քիչ շփոթված էր։ Փոքրիկին, հատկապես տպավորել էր այն հանգամանքը, որ իրեն փողոցում սկսել են ճանաչել։ Ծիծաղելով ու հուզված 8-ամյա Լինան ասաց․ «Շատ ուրախ եմ, որ արդեն  դրսում ինձ ճանաչում են ու ասում են I like it-ի Լինան է»։

Հուզմունքն ու շփոթվածությունը Լինայի մոտ շատ էր, այնպես, որ նախագծից ստացած տպավորություններն արտահայտեց հաղթող մարզիչը՝ Սոնան․ «Շատ հուզված եմ, շատ ուրախ եմ, որովհետև դեռ կույր լսումների ժամանակ, երբ չէի  տեսնում մասնակցին, արդեն իսկ պատկերացրի, որ կարող է հենց նա լինել հաղթող։ Իհարկե այսօրվա բոլոր երեխաներն էլ շատ տաղանդավոր էին։ Լինան շատ-շատ երաժշտական է և իր տարիքի համեմատ շատ լավ է երգում, հատկապես, նա դա ապացուցեց երգելով ժողովրդական երգեր, որովհետ դա համեմատաբար ավելի բարդ է։ Ուրախ եմ, որ չնայած տարիքին ինքն արդեն հասկանալով է կարողանում երգել։ Երգերը ես եմ ընտել, իհարկե մի փոքր ռիսկային էր ոճը կտրուկ փոխել, բայց ինքը հաղթահարեց՝ ավելին պարեց, շարժվեց»։

Սոնա Ռուբենյանն ինքն էլ տարբեր մրցոււյթներում մասնակցեու փորձ ունի, նշեց՝ վերապրել է գրեթե բոլոր էմոցիաները նույնությամբ, ինչ եղել է դեռ այն ժամանակ, երբ ինքն էր մասնակցի կարգավիճակում։

Հաղթող թիմի փոքրիկ մարզիչը՝ Միշան, այս ընթացքում դժվարությամբ, բայց կարողացել է համատեղել թե՛ ռուսական «Ձայնը․ երեխաներ» նախագիծը, թե՛ I like it-ը։

«Այստեղ լինելով ժյուրի, իսկ ռուսական «Ձայնը․ երեխաներ» նախագծում մասնակից, արդեն հասկանում էի, թե ինչ է պետք երգչին, որ  ժյուրիին դուր գա։ Ես մեր թիմի բոլոր երեխաներին խորդուրդներ էի տալիս, Լիային ասում, որ չլարվի, որովհետև ինքն իր կոկորդով  կարող է ամեն ինչ անել՝ զարմացնելով բոլորին և նա դա արել է։  Իսկ իմ ու Սոնայի համագործակցությունը շատ լավ անցավ և մենք հաղթեցինք»,- ասաց Միշա։

Ինչպես ժյուրիի կազմ էր բաղկացած մի մեծ ու մի փոքր մասնակցից, այնպես էլ հաղորդավարները։ Արփի Գաբրիելյանն ու Ստեփան Հովհաննիսյանն իրենց համագործակցությունը գնահատեցին՝ ստացված էր։

«Արփիի հետ աշխատելն իրոք հիանալի է, որովհետև նա այն մարդն է, որից ես կարողացա անընդհատ սովորել։ Իսկ ինչ վերաբերում է իմ և Արփիի տարիքային տարբերությանն, ապա ասեմ, որ շատ հետաքրքիր հումորներ անընդհատ լինում են»,- ժպիտով նշեց Ստեփանը։

Արփի Գաբրիելյանի խոսքով էլ իրենք, իսկապես վերապրել են այն բոլոր էմոցիաները, որոնք մասնակիցներն ունեցել են  բեմում կանգանած՝ մրցութային հատվածներում։

«Դա իսկապես դժվար է, երբ տեսնում ես երեխան հուզվում է այն բանի համար, որ չի կարողանում հաղթահարել տվյալ փուլը։ Այս նախագիծն իր ձևաչափով իսկապես շատ հետաքրքիր է այն առումով, որ ամեն հաջորդ եթերին մեր չանցած մասնակիցը հաջորդ հաղորդմանը երգում է։ Սա իսկապես կարևոր է, որովհետև հեռուստադիտողները պարբերաբար վերհիշում ու ճանաչում են մեր բոլոր մասնակիցներին։ Հայտնի մարդու համար ամենակարևոր բաներից մեկը՝ հանրաճանաչ լինելն է, իսնչը I like it նախագիծը տվել է իր մասնակիցներին»,- ասաց Արփին։

Նշենք՝ նախագիծը միջազգային ֆորմատ չէ, այն մշակել է «Արմենիա TV»-ի ստեղծագործական թիմը։ Պրոդյուսեր Իրինա Վարդանյանի խոսքով փոքրիկների հետ աշխատելն, իհարկե, բարդ է, սակայն իրենք արել են ամեն ինչ, որ մասնակիցներն առողջ վերաբերվեն այն ամենին, ինչը տեղի է ունենում․ «Սա շարունակական  պրոցես էր և քանի որ դուրս մնացած մասնակիցներն էլ անընդհատ  գալիս էին, ելույթներ էին ունենում՝ չէինք զգում, որ ինչ-որ մի օր ավարտվելու է։  Մենք կփորձենք իրենց ներառել հեռուստաընկերության տարբեր նախագծերում։ Հաղթեց նա, որը միանշանակ վայելեց հանդիսատեսի  սերը։ Դեռ կիսաեզրափակչից սկսած, տեսնելով, թե ինչքան են քվեարկում Լինայի օգտին, արդեն մտածում էինք, որ նա ֆավորիտ է։ Իհարկե գիտեինք նաև որ ամեն վայրկյան կարող է ամեն ինչ փոխվել»։