«Նվիրվում է գեղեցիկ կնոջս». A$AP Rocky-ն ակնարկել է իր և Ռիհաննայի գաղտնի ամուսնության մասին

Համացանցում տարածվում են տեղեկություններ, որ Ռիհաննան ամուսնացել է ամերիկացի ռեփեր A$AP Rocky-ի հետ: Այս մասին հայտնում է Page Six-ը:

Հունիսի 21-ին A$AP Rocky-ն ելույթ է ունեցել Cannes Lions միջազգային գովազդային փառատոնի շրջանակում: Ռեփերին աջակցելու էր եկել նրա ընկերուհին՝ Ռիհաննան։ Հղի երգչուհին կրում էր Jean Paul Gaultier վինտաժային թափանցիկ զգեստ և Oséree փայլուն բիկինի: Զույգն ակնարկել է, որ օրինականացրել է հարաբերությունները։
«Ես կցանկանայի այս երգը նվիրել իմ գեղեցկուհի կնոջը»: - ասել է A$AP Rocky-ն բեմից, մինչ նրա սիրելի Ռիհաննան պարում էր VIP տարածքում։ 
Ռիհաննան և A$AP Rocky-ն միասին են 2021 թվականից։ Անցյալ տարվա մայիսին երգչուհին և ռեփերը որդի են ունեցել՝ Ռիզ Աթելսթոնը։ 
Զույգն այս պահին սպասում է իրենց երկրորդ երեխային: